حبيبه انته ورفع فوك الشمس كدرك
رضا الباري رضاك ولازم ينصرك
الك هاي الكرامات
مصابك بينه مامات
يظل ويانه يحسين
يعيش ويانه يحسين
يجرح المارضه يطيب البجت من عنده الخطوب
اكل يوسفهم الذيب وترك بالشيعه يعكوب (2)
الزمان شمارمه يصيب ونبلته تكطع الكلوب
الطفل لمصابك يشيب وهضمنه البجه الحبوب(2)
شبعدله ويانه هالبين
مهر للزهره هذا الماي وجواري بجفهه الجروف
العطش مايدري يحسين وظماك بيوم الطفوف
اجاك العطش عناي واجتك تبجي السيوف
الفرات بلايه كل راي بغروره الوكف اصفوف
اعتذر من عدنه يحسين
اعتذرلك يطلب ارضاك انتفض بجروفه الاحساس
بعكب مافاضت ادماك على جرفه وشاهده الناس
اعلى خوفه يلوذ بحماك ويبوس اجفوف عباس
ويليته يكون وياك ويشيل بحبك الراس
ويكحل باسمك العين
الجرالك بجه الاحجار ومحاجر تنزف ادموم
وسماك تسولف الصار البجت لجروحك انجوم
على سيد كل الابرار المصايب صبت اهموم
ولجن للباري اقدار ومصير حسين محتوم
ويعيش بثورته الدين
حملت بروحك الام وسميت بعلو الجبال
الشمس يمنور الايام بوجودك صارت اظلال
على حبك ليش نلام ومحبتك ساكنه البال
بثورتك دام الاسلام وصفيت لدنيته هلال
بطريقك كلنه ماشين
تظل ويانه يحسين
رد مع اقتباس
المشاركة الأصلية كتبت بواسطة بريق الماس
