ألف شكر استاذنا شيفرة دافنشي لتكرمك بالتعليقالمشاركة الأصلية كتبت بواسطة شيفرة دافنشي
والتأييد . وغايتي من كسب التأييد هو لعل وعسى من يقرأ موضوعي هذا
تتغير نظرته ان كان هناك من لا زال لديه بعض العوائق والمؤاخذات عن تولي النساء قيادة السيارات
.... مع خالص تقديري
ههههههه محسوبة على النسوان لو لا
طبعاً الرجال يدعمون لان 99 % من سواق الشوارع هم رجال .. مو تحيز ترى هذا الواقع
لا والله محسوبة ونص وابصملك بالعشرة
اي عفية صيري ويانالا والله محسوبة ونص وابصملك بالعشرة
تقييمي المتواضع
واله كلامك صح الصحشنو السالفة عيني ؟...ليش هم اكو احد هنا بعد يعترض على المرأة تسوق ؟
معقولة علي ما يقبل ؟ وليش ؟
اذا من باب انه المرأة رح تبقى سياقتها ما تعجبهم ...فعادي ..هذا رأي كل الرجال .وهي تندرج اضافة على كل الاشياء اللي تسويها النساء و بطريقة متعجبهم يعني مو مهم...خخخخخ
بعدين هسة عاد همة السواق الرجال شلونهم بالشوارع اسم الله ...شو العرايك بفلس و واحد يكسر ع الثاني و المغالب و الهوسة هايسة ودا يفلتون من الحوادث بالقدرة .
اما اذا الرأي المقصود من باب انه اكو اشكال اجتماعي ...فترى كلش ما مقبولة
وصارت حييييل مودة قديمة ...
مو احسن لعد ما تتبهذل بالمواصلات و تكعد يم اليسوة والميسوة ...و تتأذى .
لو تصعد بالتكسيات والسواق اشكال والوان خيّرهم يغث بالحجي والسوالف لو بالاعتراض و النقنقة عالشارع الفلاني والعلاني ...وبس وية المرة من تركب ..والله ما يفتحون حلكَهم من رجال صاعد ...اوووف
بالتالي ...اللي تكدر تحفظ كرامتها وراحتها ...بالعافية عليها ...
ويسلمووو وردة
والله كل كلامج صح حبيبتيما اعرف علي كان رأيه انه بس بالحالات القصوى
ممكن ان تسوق النساء كأن يكون ما عدهة احد قصدة
من الرجال بالبيت يسوق وع العموم هو موجود
ممكن يكول رأيه بكل اللي يفكر بيه بحرية .
اني همين كلت ان المرأة قابل احسن الهة تصعد كيا او باص
تكعد وهي متضايقة وخاصة اذا كانوا من الاوزان الثقيلة
حسرة عليهة تتنفس او يكعد يمها واحد مو راحة
او من تنحني تصعد او تنزل فحركاتها بكافة التفاصيل
مرصودة وشايفة من يصعدون الرجال بالسيارة يكولون
محرومين بس يكعدون تبدي حفلة الجكاير والدخان عبالهم كهوة
وخاصة بالشتا من تكون الشبابيك كلهة مسدودة والاخوان ماخذين
راحتهم ولا كأنه عالم من نساء واطفال وياهم واحتمال شرار
جكايرهم المتطايرة تضر الملابس مثل ما صار لعباءة احدى قريباتي.
اما التكسيات ولو شوية ارحم من الباصات العامة بس همين ما تخلو
من المضايقة كأن يفتح مواضيع او يستغلهة بالاجرة... اخو اذا انطتة
الاجرة قبل متوصل يبدي يتحجج صار عطل مفاجيء او الشارع
مينطب بيه حتى يفلت واذا كان ازدحام وانتي متفقة وياه على ان تكون الاجرة كذا
يطالب باجرة اعلى ع اساس هي المسوية الازدحام وغيرهااا هواية.
او يعتبروها عيب ان النساء تقود سيارة لاسباب تقليدية
كاعراف وتقاليد عائلية وعشائرية مثل مكلتي صارت قديمة
فشنو الحجج للممانعين؟ الا اذا كانو يغارون من عدنا
لان نسوق بشكل احسن وهاي ما تكولة التقارير المرورية
ان النساء مريحات وميدوخنهم ويتبعن تعليماتهم وينفذنهة بكل دقة
مدري يغارون لان حلو المراة من تسوق وتلفت الانتباه وهمة راحت عليهم
شكرا جزيلا للرأي الواقعي جدا fairy
شكرا جزيلا لكِ . نورتِ صمت الليل
رد مع اقتباس
