عفيه وطن ماتعب بيه الــموت
وشعبه من الحزن نسـه أفراحه
شماله ذاع صيته بين الاوطان
أرهاب وعنف ومابيه راحــه
زال الأمان البــيه وي نــهاره
وخيم عليه الليل من زمان بوشاحه
وليحبه وليظل عايـش بــسـده
يمشي وطاوي جفنه جوه جناحه
ثلاثين من العمر مرن بالحروب
شاف الضيم بيهه وثكلن جراحه
ليش العـراقي يـنذبح كـل يــوم
ويـرخص دمه بأيــدين ذبّـاحـه
وليش الفرح عــده صار ممنوع
بكل دار البجي ولطم ومناحــه
شباب المثل الورد راحت بالتراب
ضحت بأحله عمر لجل يطلع صباحه
شو مازهر دم الشهيد الروه الكاع
وما فوح لهاذ اليوم عطر قداحه
شوكت هالوطن يرجع مثل ماجان
وترد ردود ناسه تعيش مرتاحه
رد مع اقتباس
