شلت عشرتك دمعة بعين هالايام وين الله من اشــــــــوفك بلكت ابجيها
تتـــــنادس جروحي من يحل ملكـــاك تلبــس من تشـــوفك خلك راعيها
ما تفرق ضــحكتي من ضحكة الجناز انا وياك حتى الضحكة ناســـــيها
تتـــحزم عـــيوني بـــدمـــع لــــــو مريت عالفطرة وحككك ما موصيها
فــوك متــوني ياخذ راحته التابـــوت صــــبخة وثكل حملك ما يهم بيها
عتــبة بـيـتك تمـــنيـــت عــدها لســــان حتى تكلك اشـــكد نايـــم عليها
ما حركت رمشــك بيك من مريت وان اشــــبك طعـنتك لـمن الاكيـــها
الجكاير كحلت شفتي على حس طرواك ومرات اشتبه وعيوني اسميها
هاي ســـــــنيني بيـــــدك موش طاسة ماي كلما اديرلك ظهري تبديها
عــفتني ابنــــار يـــاهو الكلك ابراهيم والاكثر بالكواغد كمت تطْـــفيها
انـا تـــمنيت تحظر مكــبرة على البال حتى ادفن ذكـــرتك مــا اخليــها
عشــــرتي وياك عشرة سدة ويا الماي اجي بلهفتي وتدفعني وارد ليها
لا تــذب لـــومك عالــقســمة والايام انت المـاردتني القســمة شــعليها
المـــاعنده ســـكف لا يعــــاند ويــه الغيم يســـتبرد ابمجرد يمر طاريها
شكبرصيت البحر كضى العمر مطروح وتسحكه الطيور بطرف رجليها
احساسك بور كتلك ما يطك بيه شوك مثل صحراء تشل جفوف ساكيها
طعـــناتك بظـــــهري تمرجحن بالعيد واكولن عيد زحمة شـــلون ابجيها
بــــس لـــــيا وكــت ابقى لـــهواك شـــراع نسماتك تعــــيل وما احاجيها
ابــتديت من النــــــهاية ويـــــــاك بــــس ما فـــاد اهل مكة ادرى باهاليها
غـــرفة صــــاحبك تشــــبه حضن ســرداب الله يساعدك وشلون كاضيها
|
||
|
|
ابمزاد اطفوف عرضوا ركَبتي الشمات
وانت اول سهم وقع على المنحر
سهمك من اجاني عيونة مشدودات
كام شلون الاعمة بكل كتر يعثر
حتى بصورتك وجهك ثكَل وياي
بحيث امنرد اشيل الصورة ما اكَدر
اتلمستك وشفتك بالعيون ادنان
جاملتك وكَتلك تشبه العنبر
انة اربات اللطم وموّداعك عاشور
وصدري اعلة الجفوف بروحتك ينشر
ارجع حضرتلك واهس ام عريس ا
فصل ارويحتي الكل خطوة الك معبر
مثل الجاهل اركض لون عطرك فات
حسرة بكلبي ضلت رد اريد اكبر
دمعي اعلة الشمس شريتة بس مافاد
الشمس عركَت وشكَت ثوبهة امن الحر
عثرة ابابكم ضليت للرجلين
وبدمي انصبغ بس كَلت لازنجر
امرورة بعيني احس جي ماضكَت ملكَاك
لذلك شحطة عندي اتصير بالمنظر
ماضيعك لوّنك ضعت شعرة ابليل
ابيّت الليل اذا ما نيتك تضهر
اميّزك لوتصير براس نوّرس شيب
انة مفّلس اسنينك من جنت بالذر
|
|
|
|
|
مـــاتوكف عليك...الخذك مامعصوم
هم تاخذلك اويــا جم سنه وتنعاف
بس وبخت كل شارع حضنتك بيه
لوتلبس جــبل بعيوني ماتنشـــاف
هيبه ومن اشيلن راسي ادني الغيم
انه امداين افياي الشجرة الصفصاف
امنغيم بالسلف اترخص من الكـــوخ
لان من ينجرح اله بشمس ينــــراف..
رد مع اقتباس
المشاركة الأصلية كتبت بواسطة Mostafa AK
