شفت كومه كراسي بلايه نواب
وشفت نواب بس بلا كراسي
وشفت قائد يدوس على الشعب حيل
وشفت نفس الشعب كله على راسي
وياهو الي يجي بالروح بالدم
چلب مسعور ونسمي سياسي
ملك الموت بينه تفنن فنون
موت مخربط وعادي ورئاسي
ملك الموت مل من العراقيين
منگد ما قبض بأرواح ناسي
كاسات الدول متروسه ماي افراح
ليش من الحزن ماتخله كاسي
العراقي يظل عراقي ويبقى مظلوم
لو كل الدول تنطي جناسي
اذا ابن الوطن بالاحتياط يصير
من حقه العدو يلعب اساسي
من حقه العدو يلعب اساسي ....
اللهم يافارج كل هم وغم فرج هم العراقيين واحفظهم من شر كل الاعداء .. ربي اجعل الامن والامان في هذا البلد الشريف بحق الحبيب محمد (صلى الله عليه واله وسلم)
رد مع اقتباس
المشاركة الأصلية كتبت بواسطة Gogo alkordea
