خايف لا يجي باجر..
واشوفن كلشي متغير..
واعاين عالشمس وجه الصبح مصدوم..
تعاينلي بغربتي تعوفني وتعبر..
واظل محتار وحدي بنص ظلام الليل ..
واركض للكمر والكاه متكسر..
خايف لايجي باجر تصير الناس..
بشكل ارواحهه هيكلهه والمنظر..
واروحن للبحر لاشكيله همي النوب..
اشوفن حاله ويه احزانه متحجر..
اظل مخنوك اشوفن كلشي عكسي يصير..
ويا باب الادكه بحاله متجمر..
بقساوة حزني اشوف الموت..
اصيحه وايدي بيده يكلي ميعبر..
واشوف اجناح عندي وصرت مثل الطير..
واعاين عالجنح والكاه متكسر..
براكين الطبيعه الكلهه بيه تفور..
وحتى الدمع هم من عيني متنفر.
وادور عاللغز والكاه كلبي يصيح..
هذا اني لبجسمك حالي متبعثر..
رد مع اقتباس
المشاركة الأصلية كتبت بواسطة فهد الزيادي
