لذالك انه حاير وين اشيلك
وحقي ما أجيلك اني معذور اغار عليك مني وما اجيلك
دخيلك ربي من الموت ما صيح
من زعلك صحت ربي دخيلك
تتكلب علية بس ما ابدلك لا
ابدلك بيش وك ياهو بديلك
تتباهة انتة بجمالك انتة معذور
على اﻻجيال بيك اتباهة جيلك
عليل بحبك انة وحيل مرتاح
ﻻن كاموا يسموني عليلك
اذا مرات افكر اشتكي عليك
اجيك ركاض من عندي اشتكيلك
مو احﻼهم انتة بس دخت بيك
هم اﻻحلى بس محد حﻼلي
وحب من طرف واحد حبي وياك
واكل للناس بس حبك مثالي
ولحد اﻻن بس انتة اقتنع بيك
ولحد اﻻن بس انتة على بالي
اذا يحجون ما اسمعهم شيحجون
واذا تسكت اسمعنك يا غالي
شرجي وتخنك الرية واشم بيك
واكل للرية يمعودة شمالي
واذا تاكل بكلبي وما اخليك
احس مقصر ومدري شجرالي
عليك ابجي وعلية تضحك وازكيك
واكول شكد حنين شكد بجالي
اكلك غالي وتغلس واحاجيك
وتلبسني واكلهم كلي غالي
احبك غير احبك غير اداريك
غير انتة الي تبهذلي حالي
وما ترهملي بس تفصال احس بيك
ومر واضوكنك حلو شمحﻼك
اغمض عيني مغمضة وتصد ليك
افتح عيني على غيرك انتة الكاك
هﻼ بجيتك اصيح وانتة ما جاي
واقشمرني واكوم اشابك وياك
بدونك حتى العيد مو عيد
وبعاشور جنة العيد ملكاك
يلتسواني وتسوى الراح والجاي
وتسوى كل شي انتة وحتى تسواني
رد مع اقتباس
