اي وبعدالمشاركة الأصلية كتبت بواسطة العراب
آني فد واحد معقد ومعتكف ومو اجتماعي لذلك ما عندي ولا صديق .
فد مره بالابتدائية صادقت واحد ومات ضربته سياره . وبعدها بشهرين صادقت واحد ثاني وصار عنده تسسم خطية وهم مات .
بالمتوسطة صادقت زميلي بالصف ومسكين مات بالكهرباء تكهرب بالثلاجه , وبعدها صادقت شاب حلو أسمه أحمد كان يسبقني بصف خطية رسب بالامتحان وأنتحر . وبعدين صادقت أبن خالتي وما أستمرت صداقتي وياه بس أسبوع واحد لأن المسكين مات بالجلطه مع العلم بعده شباب . وبعدين صادقت المدرس مالتي وهم مات لأن تعارك وي جماعة وضربوا طلقات ومات بالمكان .
بالأعدادية ولا واحد قبل يصادقني بس صادقتلي واحد غصبن عليه ورأساً أول ماصادقته مات المسكين غركان بالشط . وبعدين صادقتلي بنت وياي بنفس المدرسة لأن نعجبت بيها فشافها أخوها تمشي وياي فكتلها وإنسجن من وراها , وبعدين ظليت بلا صديق لحد ما دخلت الجامعة .
بالجامعة أول واحد صادقته هو الشهيد حسين أستشهد بالانفجار مال الكاظمية . وبعدين صادقت المرحوم ستار ألي مات بالسرطان , وبعد فتره صادقت واحد من غير كلية لكن مع الأسف مات أيضا بحادث سيارة . ومن يومها تعقدت وقررت ما أصادق أحد وتركت الجامعة ورحت تطوعت بالجيش وكل جماعتي أستشهدوا بأول يوم داومت معاهم . بعدين نقلوني لقاعدة سبايكر وصادقت 1700 جندي ,وبعد أن أحتل داعش القاعدة أخذوا ذوله ألـ 1700 ولازال مصيرهم مجهول . فأضطر آمر الفرقة العسكرية أن يطردني من الجيش بدون سبب وما أدري ليش .
وحالياً آني وحيد فريد محد يقبل يصادقني مع العلم آني حباب وكلبي طيب .
ومن هنا أعلن حاجتي الى صداقة جديدة , وإذا أحد يريد يصادقني يرسلي طلب صداقة على ملفي الشخصي , وأكون ممنون منه .
الاصدقاء:48 يعني نخابر النجف يحجزون ع العدد؟؟
رد مع اقتباس
