مرحبااا
اقدم الك ابوذيات روعات الشاعر الكبير ايهاب المالكي
وحاولت ان اجمع اكبر عدد من الابوذيات
وان شاء الله يعجبنكم
الابوذيات
جمالك مو طبيعي حيرتني
ابضوه عينك عليّه حيرتني
كون انكلب يمك حيرتني
عليك التف لماتختنك بيه
الي احباب علمودك ودعوني
طحت ما شفت واحد ودعوني
انا بعرسك دعوني والدعوني
نفسهم جانو يشمتون بية
اهلا كتلك بيروحي حللته
عقد وي كل شخص غيرك حللته
انشدك من خذت دمي حللته
شفت بي حبك مبين علية ؟
اسافر قررت من غير ما عد
وبعد ما بية اعد جروح ما عد
حجيت ووضحت معناي ما عيد
اخاف احجي وتفز جروح بية
احس غيرت طبعك وانته ماهو
هذاك الراده كلبي وانته ماهو
امس طاحت دمعتي وانته ماهو
لان غيرك اجو سألوا عليه
اسويهه واكتلة بالسرانة
دهن ما خلي حالف بالسرانة
بعدهن جاياتك بالسرانة
حكتهن بيت بيت بذني ادية
ثار جتافي والكنا يردن
حرب واليكعد بروحي يرى الدان
اون بصوت وجروحي يردن
لحد ما وكعت عيوني بدية
حرب بالي مع الحسبات جاون
وعلى روحي الهموم بجمر جاون
على اهله الحايط منيطيح جاوين
اذا فوك الغرب يراد ديه
اخاف احجي وتفز جروح جسرة
اجس نبضه برهاوة جرح جسرة
جسر سويت للمهدوم جسرة
على جتافي وزرع عبوات بية
بعرش غدر الليالي من من ربعنة
الف صاحب شرينة من ربعنة
سبب جرحك يكلبي من ربعنة
ابد ما للشماتة جروح بية
ابد ما للشماتة جروح تذكار؟
فقط كلهن لربعي وياي تذكار
نويت اتركهم وكصيت تذكار
اسافر قررت باول منية
وحك صولة شماتي والصلوهة
بنعش ليكم دمعتي وصلوهه
صلي نعدمت شفتهه والصلوهه
صدك غايتهم يشمتون بية
اوصي الراح والرد من رسالة
عجب شبساع ينسى من رسالة
مشى وودة رسالة من رسالة
جهنم بالضرف وداها لية
لحد ما وكعت عيوني بجتلة
وادية جم سهم منة بجتلة
لون رب العرش يرضى بجتلة
اسويهه واكتلة بابوذية
انحنى ضهري واكابر عدليتة
وبعدني بذاك حزني عدليتة
خلص شوفي بمتاهه عدليتة
طلع منهه وبنى حايط علية
شحجيلك بحر تموز يالباب
وانا مفصل بخام العوز يلباب
وراك تلكي اخوي شلون يالباب
فما دمعت عينك علية
خسر كلمن رضى ووقع بجتلاي
انصبت وعيون عدواني بجتلاي
طحت وسيوف خواني بجتلاي
وردت زنجارهن يفزع علية
الوكت وياك ولمة ولمانه
سمعنا الكال عنه ولمانه
روح سنين ورجع ولمانه
تلكاهه عليدك هيه هيه
اله بنص كلبي حاجه ماسمعني
جذب وجهي منديرة ماسمعني
صحتله وسوة روحه ماسمعني
مشه والتفتت الوادم عليه
چثير اشواگ الي يمچ والايام
واليه اجم اخو عندج والايام
النخل والماي وادعني والايام
ويصيح ارجوك رد للناصرية
جروحي الماتدنك باركتلك
ونهر خمرة عيوني باركتلك
ابخبر طعنة دليلي باركتلك
كبل لاشامت يهنيك بيه
تحياتي
يارب ينالن اعجابكم
رد مع اقتباس
المشاركة الأصلية كتبت بواسطة abas satar
