هنا

[ارجع يازمان]

ياقطار الليل هَود!!
حسين الساعدي
×××××
انتظرتك
واللي يتنطر جرح الله اليعينه
ابعيني دمعه
مَدري أشوفنك وَصبها ! مدري لمن ما تجينا!
ونتظرتك!
والعصافير الغفت
ما تدري بالروح الحزينه!
والبحر روجاته نامن!
يعني ماينطر سفينه
‘
ونتظرتك
وها كثر تاخذلي وتجيب الظنون
وهلبت الله وتعتني ويه اليجون!
وانه وحدي ابلا سكون!
والسكون الخيم ابكل المدينه
‘
انتظرتك
حاجة الليل اويه كمره
وحاجة المات اعله كبره
وحاجة المكسور هلبت تغفه عينه!
انتظرتك
‘
يا قطار الليل هَود جا صريخك ذاكه وينه!
اشتدري بينه!
الليل طَول والصبح ضايع علينه!
اشتدري بينه!
انريد نبجي والدمع ماصح بدينه!
‘
ياقطار ااشلون أوصفك!
إوما تفاركها وأعرفك
ابداعت السجه وأحلفك
جيب ضحكات الطفوله الأبد مابيها ضغينه!
انتظرتك
جيب وياك النوايا الصافيه
وجيب وياك الكلوب الدافيه
وجيب خبزه ابسرعه تنطي العافيه
إوكون أشم ايد امي بالخبزه التجينه
وأأأأأأخ يا امي الحنينه
ونتظرتك
االساعدي

[ذات الرداء البنفسجي]

[muhanad daigel]

راااااااائع ... شكرا..