هنا

[فقار الكرخي]

حياتي وياك صارلهه معاني
وصفت من هم من علّه معاني
إذا يوم وإجه لبيتك معاني
بهذاك اليوم معناها رميه

انتباصر جاي اعدلك ونته عد لي
انعوج عودي علمودك ونته عدلي
عجب يومبّه اموتن ونته عدلي
مناعة بيك لو وليه عليه

حسنك نهر ما عافه شبابه
وزلال امصّفّه ما يرگل شبابه
تشب لورود لخدوده شبابه
تريد تشوف من يا نوع هيّه

وحگ القاف والطّارق ولعراف
غيرك ما ولف عندي ولعرف
الاصول تگول لليگصد والاعراف
العطيّه يريد ينطوه العطيه

يغالي لخاطرك كونك لجب لك
وشلع عينين لو تطلب لجب لك
يشيل الرّاس من باوع لجبلك
وتزل جدام بسفوحك هويه

گضيت سنين لو ملشوگ متنه
وحبل رجاك ما حزّيت متنه
يلوله هواك من زمان متنه
إنتنفّس بيك كل صبح ومسيه

[ملاك96]

مشكووووووووووووووور..

[فقار الكرخي]

نورتي الموضوع ورده