درر العراق

فقار الكرخي · 3/August/2014

اعمه وتاه بدروبك يســـــــل من
طحت واجفوف شماتي يسلمن
تعال وشوف حالتنه يسلمـــــان
يوسف والذيابه اتحيط بيــــــــه

وحق الغار والمرسل ... ولايات
الراحه ويه المشو راحت ولايات
بكثر ما أكو بهلعالم .... ولايات
اكو من افراكهم صدعات بيه

بحياتي ما ضلمت أحد ولاذيت
ولا ضميت راسي بطك ولاذيت
حليت بحلك شماتي ولاذيت
الخرس طلعت لسنها وحجت بيه

بدر يربع طعش وجهك .... وتملاك
تكرهك لاتضن عيني .... وتملاك
رشد زين وبكه بروحي .... وتملاك
عكل يلماعكل خليت بيــــــــــــه

طار الفرح عن ابعيد ...... بلشاه
مثل ذيب وفرغله الشرك .... بلشاه
بلش بيه زماني اشلون ..... بلشاه
المصيبه الهاكبرهه ايذبهه اليه

حريمه الوكت عن خلي .... بعدناي
ابعيد . وناي بيه ايون .... بعد ناي
وعلي مستغرب الهسه .....بعدني
عدل واشتم هوه الله وروح بيـــــه

يجذب الكال نيراني ..... بختهه
اغيوم , اوونتي اكاسرهه .... بختهه
وحك اجدادنه اليسطر ..... بختهه
اتبين حوبتي بالخان بيه

الوادم عدل تحسبني ..... وناميت
عله الشبكت حضن غيري ... وناميت
امكابر عله الكاع امشي .... ونا ااا ميت
سهم من ايد وحشي انزرع بيه

مافرزن كمت دم طاح ..... لوما
امن اعيوني ، وغريمي يغث لوما
اهجرك ياوطن والله .... لوما
تجي وتوكف بعيني الناصريه

صافن من يشيل الحمل ... من لو؟؟
طحت والكلب ربعي اسهام ... ملوه
صديج الجثر الجيااااات ...... ملوووه
ابتعد خاطر عزيز اضل عليه

حمام الون جذب ماون كـ أناي
عليك وتعزف جروحي ... كئن ناي
بكبر مسجون من بعدك ... كأناي
مؤبد واستحاله افراج اليه

انكتب هالبيت موش بصنع ..... بلهام
انوليت وكمت افوين فوي .... بلهام
علي ونطش خبر طبروه ...... بلهام
وطحت يافرحة ابن العاص بيـــــه

بخت ويه الاحبهم ليش .... ماليش
يدهري منغصاتك هاي ..... ماليش
موبس شعر راسي اعليك .... ماليش
لهسه براس كلبي مجلبه اديه

وحي لا موقلم يكتب ......بهاداي
ولو روحي احس يسري .... بهاداي
مشي السلحفاة امشي .... بهاداي
واهم بخيول مالحكو بيـــــــــــــــه