أنطيك وصلة من القلب بس لو كلت جوعان
وامشي على مودك سنة بس لو كلت تعبان
حطني على مايك ثلج بس لو كلت عطشان
وانزع هدوم العلية بس لو كلت بردان
تبريد اصير الك أنا بس لوكلت عركاان
واحركهة للدنيا حرك بس لو كلت زعلان
اذا تسألني ليش اهواك خليها سكتة شلت القلب والروح خليتك انتة
القمر لان بي نور محد يملة وانتة منار النور يعني انتة احلى
آني المريض بغيبتك بس شوفتك تشفيني مو شرط ابعثلك مسج مشتاكلك تدريني
كون التريده الروح درهم وأصرفه
ماريده خل ايروح موت اليكرفه
أزعل أكيف بيك من تزعل أهواك
حتى أعتذر كل ساع واتباوس وياك
متعجبه هاي الناس شافت جروحي
ماتدري دمعي عليك شككلي روحي
مابجت دمع العين لاصبت الفص
روحي بسبب فركاك بشم الهوى تغص
يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
ماعيد القضيه وياك شتريد
اعذرني شبقه ماظلت اعصاب
ماكلك متت بس كلبي خلصان
ماعده الجرح حتى اقبل عتااب
كبل جنت اعتقد من اجلي مخلوق
من ردتك الي تفرعن نصيبك
مو موتي الهدف بس جان مكتوب
بيدينك تجي وتدفن حبيبك
ماعيد القضيه وياك شتريد
اعذرني شبقه ماظلت اعصاب
ماكلك متت بس كلبي خلصان
ماعده الجرح حتى اقبل صواب
سولفلي اعله جرحك والجروح أشكال
وأسولفلك على اجروحي الغدن تسعة
جرح أول يدك ويه الكلب بسكوت
او حط اذنك أكيد اتفرزه واتسمعه
الروح اذا تنساك ميته اعتبرها وبيسرتي ويمناي احفر قبرها
لا بد ما يفك بابه الفرج فد يوم
واتخلص حسبتي ويرضه دياني
ولا بد تنتهي وكت الحساب ايصير
واذب الأقنعه من وجوه صحباني
موبس الوركَـ طير خريفي اغصان
سكني البوم والبلبل غدى مهاجر
بعدني بكَـاع خصبه وعندي أمل بالغيم
يمطر لو ندى ويتغير الحاضر
أرجع للصور وأتذكر الي راح
تخنكَـني عبرتي ويدمع الناظر
جنت شجرة بلابل والورود اشكال
بس غطني ربيع وكافر
من اسنين طَــلكَ عُـــوده زريـــاب
وصارت سهله كلش فركَه لحبـاب
بعد تحجيلي إلمَن والحجي انبــــاكَ
وظل ياهو اليكَوم ايصيـر سيــــاب
من رحت تدري شصار ماتدري بيه .. رجليه من فركاك داست عليه
دارن براسي اثنين صورتك والصوت وكل ذكرى الك وياي ماتقبل تموت
اذا انتة القمر تنشاف بس بالليل
اظل سهران واصبر حتى اشوفك
واذا انتة حلم وتمر على الغافين
أكظي العمر نوم وماأعوفك
تقبلوا أرق تحياتي
رد مع اقتباس
