زعلان انه منك وابد ما حاجيك
زعلان انه منك وابد ما حاجيك
ماريدن احبك بطلت أني اهواك
انساك ابقه احاول وانسه تعب هالروح
ولو ادري جذب ما اكدر انه انساك
عشت وياك دمعه وما ضحكت هواي
وما شفت الفرح لسبوع ابد وياك
تعرفني ولك يفلان كلش زين
وتدريني شكثراتحيير بملكاك
يا سرالبواجي والدمع بالعين
يا دفترشعر وك معرفت اقراك
ارعاك بوريدي وتشعل انت دماي
رغم كل هذا واتصبر وارد أرعاك
اكتل وكتي لجلك حته اجيلك شوكَ
ولامهتم اشوفك بييه لا مشتاك
تضل تحجي ويه غيري تضحك وفرحان
واخوي تكلي هاذ وتبتسم عيناك
من كل البشر وك انه اغار اعليك
من امك وابوك وربك السواك
ما اكدربعد حدي انختم لهنا
ضل عايش حياتك بين هاذ وذاك
لتفكربعد شاعر يوصفك يوم
محد مثلي يوصف شكلك الفتاك
محد مثلي يوصف عينك ورمشيك
يامن الخمرربك شهد صفاك
لتفكر بعد شاعر يوصفك يوم
ومثل تاج الملك فوك الغزل خلاك
من شعرك وصفتك انه حد رجليك
وصلت المشيتك .. صاب القلم ارباك
ذبيت القلم وبلا قلم كتبـــــــــــــيت
قطيت انه اصبعي ووصفت ممشاك
انطيتك عشك بس الك حب انطيت
اتراهن انه ومحد ابكدي انطاك
اذاعينك بجت اكلب جروحي بساع
وادورلك ضحك بييه واكلك هاك
كلشي تلزمه بيدك جنت اضمه وياي
كاغد عندي منك احفضه لذ****
واليوم اليمر وما اشوفك بي
احضن الكاغد انه وما احس بفراك
حته ويه الحلم لازم اشوفك طيف
واذا اضيعك اغمض بالجفن الكاك
كل هاي المحبه وماتحن شبيك؟
ولا مره اغلطت او قصرت وياك
ما اكدر بعد حدي انختم لهناا
ضل عايش حياتك بين هاذ وذاك
منقووووووووول للأمانة
رد مع اقتباس
