ما حلمتي ؟
شكد غفيتي شكثر نمتي
ما حلمتي جني طايح
وانتي فوك ضلوعي دستي
ما حلمتي من الصبح لليل اصرخ
وامي تصرخ يبني كافي
وانه اصيحن يمه سكتي
ما حلمتي ببتوت كلبي حبل بيدج
وشكد لعبة حبل بيهن لعبتي
ما حلمتي ؟
مسودن افتر بالشوارع وتضحك الوادم عليه
وانتي اولهم ضحكتي
واني جابولي اسمج كمت اصلي
وانتي من جابولج اسمي شكد كفرتي
ما حلمتي ؟
انتي اشطر طالبة بمدرسة الكلب
شبيج من عدها انفصلتي
بيه حسره واحس كلش مختنك حسرة عشك مدري جرح ﻵ يمكن حزن مدري فرح هي تاهت تمرة ومضيعه العثك
ﻋﻔﺘني ﻣﺎ ﺗﺪﺭي ﺳﺎﻋﺘﻬﻪ ﺷﺼﺎﺭ
ﮔﻤﺖ ﺍﻟﻬﻮﻯ ﻣﻨﺸﺘﻤﻪ ﺍﺣﺲ ﺑﻲ ﻳﺜﮕﻞ
ﮔﻠﺒﻲ ﺑﻐﻴﺎبك ﻃﻴﺮ ﻣﻜﺴﻮﺭ ﺟﻨﺎﺡ
ﺑﺎﻟﺸﺠﺮﻩ ﺻﻌﺒﻪ ﺍﻟﻄﻴﺮ ﻣﻦ ﻳﺘﻮﺳﻞ
مجبورين نكتب عن الفراك.
جان احباب عدنه وفاركونه.
عيشونه بعشكهم اجمل احساس.
وعلى شوفت وجهم عودونه.
مااريد احجي لكن جرحي ملجوم.
واريد يطيب جرحي بشوفت عيونه.
كَلبي من الهجر مو ترس راسه الشيب.
ومن فركاك كَلبي وكَعت امتونه.
اوووف من الحجي يلجم هواي جروح.
وعمت عين الجروح شكد يحبونه.
عشاير بالكَلب صارتلة الدموع.
وبس ينذكر اسمه تكول هدونه.
مل مني الصبر وهاجرني غفله بليل.
وبقت رؤحي وحيدة بقفص مسجونة.
ارجع يالمحب جددلي الآمال.
اهواي احلام ميتة بكَلبي مدفونه
نسوك ألجنت تحسب لك مينسون
وشرو غيرك هذول ألما بعتهم
كلشي بدنيتك لجل ألتود انطيت
وغلط تدري بطريقك بس طعتهم
وانت الي تجي من تسمع يريدوك
ولك هم ما أجو وشكد صحتهم
ردت مره بدنيتك ياكلب تختار
وأحد يوفي بس من ألتحبهم
كل ألي تحبهم ما أجو وياك
ولا واحد وكفلك من عزتهم
نسو لمن شلتهم فوك ألجتاف
ونسو من عيني مايآ شربتهم
ماذكرو كلام ألطيب والمعروف
وعلى نفسي ألعزيزه قدمتهم
ذولي أحباب كلبي ألجانو أوياي
عجب يا وكتي مني أنت خذتهم
يكلي أني خذتهم حتى ترتاح
لأن باعوك وأنت الما بعتهم
جي فقير
بوجهي ماتلكه ملامح
وعمري ما ادور الجمال
وجي فقير
راسم بنيه بغرفتي
وباقي ارسم شغله وحده
زفه وسوالف جهال
تسمع غير صوتك اذني متريد
واعيد يوم اذا صوتك لفاني
كون الصوت بالجف ينازم كون
لجيب الصوت من حلكك لذاني
اعتب والمحب من حقه لعتاب
اعتب ياكلب واشكي لحبيبك
ماعندك بخت ضلموك الاحباب
مثل شامه على خد اسمر نصيبك
ولك ياكلبي بطل واقفل الباب
منو يداويك اذا خانك طبيبك
الجرح ينشد اذا جرحوك الاغراب
بس شلون اذا جرحك حبيبك
كل ليلة اهز بالروح الف كاروك
وينام الليل كلة وروحي ما تغمض
واسمع ياس يغني بروحي غنوة ليل
تخلي الليل ينزف والنجم يكتض
(جفنك جنح فراشة اغض )
(واحجارة جفني وما غمض)
لا تبعد عليه واني كلي وياك
واذا رايد تروح شيبقى من عندي
جنت لوحدي ماهو انته وياي
هسة وياي كلك انه مووحدي
صارحني بكلامك حته اعرف البي
وانته بكيفك احجي منين ما تبدي
رايد كلمة منك خايب شبيك
وانه باب حلكك كاعد مجدي
