حسدوني عليك و همه متوهمين
ما يدرون بيك امگطع أنفاسي
يبوطبع الوكح يتشاقه وي الريح
ذبت كلي بهواك و ضيعت ناسي
عليك الله حبيبي التفت من تفوت
ولو رمشك سيوف و كطعت ياسي
و احلفك بعد مره تفوت مناه
حتى امن عليك و انا وهواسي
حجوا عنك اهوايه اوصفوك بشين
متكبر ، عنيد و فوگهن قاسي
ما يدرون احبن كل هذنيِّ البيك
ما تخلص بعد حطيتك براسي
عندي دمعه وحايره بنص العيون
خايفه من اتطيح تحسبهه ضعف
وخاف تبقه وتحرك ابقسوه الجفون
وخاف تبجي وعيني تعمه وتنتلف
...
ارد اشكرك يلي نزلت الدموع
وبيدي باقه احزان اقدمها بشغف
لان من درسك صرت كلش خبير
وصرت بالاهات والون محترف
علمتني القسوه في نزف الجروح
وصرت اقوى انسان في فن النزف
انزف الدمعه عليك بلايه صوت
ونته تعرف زين بس ما تعترف
طبعي نخله محمله انواع التمور
ونته مدري شبيك عينك عالسعف
شنعدك يا حزن من عندي ما مليت؟
مو اقرب بشر من عندي ملوني..!!
ليش انته الوحيد اللي وفيت وياي..!!
واللي حسبتهم عون..خانوني!!
من دون الدروب دروبي بس وداع
خلصت العمر ابجي اليودعوني..!!
وحيد وحتى ظلي اليوم هج وراح..
بقيت بلية ظل ومن يسألوني..
اقلهم اني عفته ودرت عنه العين..
وبيني وبين نفسي اتوسل عيوني..
اخاف تصب دمعها وتفضح الاسرار..
واني بوسط شماتي ويشوفوني..!
يم داركم
موصدفه واخذني الدرب
انه المشيت بحسرتي
مخنوك والله.. وردت اشم اترابكم
بعدني
أندلّك شما تيّهت كلشي
بعدني
أعكَـدها بأسمك خطوتي من أمشي
بعدني
أنويها ألك كل عافيه بروحي
ولهسه أعله فكَـدك ما نشف رمشي
مو اني اليسولف دون اي افعال
راجـــع ذكـــرياتـــك راح تلـــكاني
ضوّيت الـــطريق الچنت تعثر بي
وك شمعة بطريقك مو چنت اني .
...صايرلك كتاب وبي قصص اشكال
...ما فـــكرت مرة !!! بـيوم تــقراني
فالـــح بالـــجروح و بالأذية اسـتاذ
بالطيبة وتسامح حيـل كـسلاني
تعبتني عشرتك ضاع بيهة الحيل
و هجرك بالنــهار نــجوم راوانـــي
مو ذنبك ابد من كلبي كل الصوچ
دلاني بمحبتك ليـش ؟ دلاني
فراكك مو فراغ اترك.....ترك بر
بروحي وجم جرح منك....ترك بر
كتلك يوم لو تبعد ....ترى اكبر
عشر اسنين وقيس شصار بية..
الميت بالعشك تابوتة عرسة يصير ..
اذا كالولة ولفك يضحك بزفتة
شكد اعاند بكلبي واكول هسه انساك
ويرجع ويكول الكلب يا خلي عوف ألفراك
ولك ما بيه حيل ألك وما بيه حيل أجفاك
وجم حيل يراد ألك حتى نصير عشاك
شكد أشوف الفركه صعبه وأشكد طويله لياليها
بس وين الكلب الي يحمل ليله بلياك
وارجع واكول أحبنك وين ما تروح احبنك
لو تخلص الدنيه ويخلص مساك
ويبقى الكلب عمره ما ينساك
ولو يخلص الهوى بين العشاك
ذليتك نعم كدام كل النــــــاس,,,
خنت عشرة عمر شتريد اسويلك؟؟
