هنا

[فقار الكرخي]

ياكلبي، لهب تنور لو سرداب ..!
خليلي ولو من ليلكم نجمه تضل وياي
ومن تشبع سهر ويجيسها الوهواس
أطفيها ابصبح والغبشه رشكه ماي
أملني الفرح بسمك ورد عالباب
فاحت ريحته ولنك بعد ماجاي
بعد ماجاي ...
من ياصوت أصيحك والصدى إيجاريك
واكلك مكدرت يالتكدر إبلياي

[جولين]

عليك الله احلفك هم مثلي سهران
لو عادي نسيت وهانت العشرة
اعض عضة يتم من يمر طاريك
اظن طارينه مات ومحد يذكره
ما اعرف شكلك بس والله مشتاك
مثل شوك الاسير وخنكته العبرة

[سمراء من قوم عيسى]

الا من ناصر ينصر كلب مجروح
ما عاش بفرح ولا شافه لحظه
اذا موجود خلي ينطيني اعجاب
ويردلي بشعر بس كون ومضه

[جولين]

عفت بيه جرح يترس اجفوف الكاع
وكبل ما كو شبر بيه توكف الابرة

[فقار الكرخي]

وين اگدرلك انه
انته تقشمر الشيطان
ماتلام اذا تخدعني بالعشرة
مو تفاحه لو انته بمكان ابليس
جا خليت ادم ياكل الشجرة

[سمراء من قوم عيسى]

اريد اسأل كلبي شخذ وشراد
ليش بغفله عني ابتعد وشراد
لو انك تدري كلبي شطلب وشراد
يريد يصير الك وانت اليه

[فقار الكرخي]

بــس_تعــــــــــال‬ ..؟
ولــــــو من وحــــــــــي الخيــــــــــــال ..!
و أزرع أبــــــــروحــي حديقــــة بــرتقـــال ..
أتــــــوغـــل بــصـــدري ‫‏يقيـــــن‬ ..
و أتــــرس أحبـــاطـــي ‫‏شغـــف‬ و أشجـــــار ‫‏تيــــــن‬ ..
وأعلن بگلبـــــــــــي علــى‘ المـــــــــــاكو
أنقــــــلاب ‫‏اليــــاسميـــــــن‬ ..!!

[فقار الكرخي]

لا تبذر بالعشك وية الغشيـــــــــم ...ولا تحبلك واحد
ايحبونـــــــــــــــه ..
ولا تماشي اليسمع الغيرك كلام ...شما يحبك لابد
ايغيرونــــــــــــــه..
العاف غيرك هسه وبحضنك ينام باجر ايحدهن عليك
سنونــــــه...

[فقار الكرخي]

منها يبنادم بعـــــــــــد شتلم تراب
الدنيا تكضي وماتطول فانيه
..
يطول هواي العمر لو جاسه ضيم
عيشت المرتاح تكضي بثانيه
..
صير بدوي ورافك اطباع المضــيف
الكهوه تخرب بالحلوك الحاليه

[فقار الكرخي]

يطبع ‫‏الماي‬
انا بلياك مثل الكَاع....
اذا ما احضنك
‫‏اتفطر‬
غده ميل انتظارك سيف ...
وانه بكل كتر ‫‏منحر‬
‫‏طفت‬ روحي
وظلامي ازداد..
غطيت الشمس بالليل ...
صعبه بغيرك ‫‏اتقشمر‬..