الله رؤؤؤؤؤؤعه سلمت الانامل صديقتيالمشاركة الأصلية كتبت بواسطة زهرة التوليب
الله رؤؤؤؤؤؤعه سلمت الانامل صديقتي
مرورك الارؤؤؤؤؤؤع كبرياء مراهقه
تعال بحضني عوف الناس ...
كلمن حاير بأمره
تره التيه غطه وبردان .. يدفه بصورة الجمره
احبــك
وادري بيك تروح
مااتانيك
بس العمر كله وفوكه چم كطره ..
ون بروحتك مرتاح
اركص عالجروح وفوت
ما زال النوايا اوكاح
ماتت حوبة المبخوت !
تدري ابشحة الارواح
يا بخته اليكض تابوت !
وارجعلك واصيح بصوت
لتخلي الهجر بسكوت
نتشارك قبل لتروح
ما بين الضحك والنوح
عين بعين
روح بروح
انته بركصة السجين
وانه بركصة المذبوح !!
اسولف ويه روحي وأسأل هواي
يا ساعه يجيني؟ شوكت؟ يايوم
الناس الظاهر الها.. تكول مرتاح
وانه بكل كتـــر يادنيـــه ملجــوم
أنه بليـــاك شفت أشكال والـوان...
شفت طيفك أنه ما شــايف النوم
وذا رايـــد أغمض حتى أنســــاك
على باب الجفــن الكَــاك مـرسوم
عجيبه شلون دنـــيه احنه بيهه نعيش
بالمكلوب تمشي وياي مــــــن صغري .......
الختاريته اني وكتله مــــــــــوت اهواك
مشه وعاف المـــــحبه شلون ما ادري .......
هيج بكل سهوله هاجــــــــــر وما عاد
لاقدر محبتي ولا ذكـــــــــــــر سهري .......
بعد حب وحنان وتظحيه واخــــــــلاص
تركني أبنص عذابي ونوحـــي وبقهري .......
بعد لاحب ابد لا وافي ويـــــــه انسان
شكد مكتوب اعيش سنين من عمري .......
واذا كلبي اجاني وكلي أحـــــب فلان
قسم أقسم اطردة شلع مــن صدري
شرد اگلك ؟
روحي مخبوصه عليك
ارد اجيك
ارد اصير وياك واحد
يلا گوم اخبطني بيك
ما بطل محبتـــــك يــــالعشت بيك ..
و صدك لو تركتك ذابت الـــــــــروح ..
يا مبدأ حياتـــــي البيــــك ارتــــاح ..
وبس يمك الملـــــم كــــل الجروح ..
ما غيرك احب بالدنيـــا مخلــــــوق ..
... رغم بعدك اشم رياحـــــــــك تفوح ..
يا مدري شوصفك انـــسَ لو جـــان ..
و قلبي الي يتبعـــك وين متــــروح ..
بسمك انا صايـــــــر انـــــده الناس ..
لان بسمك لساني دوم مفضـــــوح ..
احبك مو بديه و عاشقك للمــــــوت ..
و احس صدري بكلامك صار مشروح ..
يا دفـــتر حياتي الخلص بـــس هموم ...
يا اتــعـــس قــلم مــا فـارگ الدمـــعة ...
يا دنـــيا غـــبـــية تـــواكـــحت ويـــاي ...
ياهــو الــي اريــــدة تــگول مـــارجـعة ...
يا اصعب زمن خلــــصهة ضـــيم وياي ...
حالف گلبي يتعـــب دون كــــل ربــعة ...
و يادمعي العماني و ظال ع الــخدين ...
مثل كومة زلــم مـنتظرة بـــس فزعة ...
و ياصوتي القبل واصـــل لسابع جــار ...
هسة بصفي واگف صوتي ميسمعة ...
يا كافي ! تعبت يا من صدگ مليـــت ...
رااااح الي هويــتة و قــبل مـــاودعــة ...
مثل ميت عشت عايزني بس تابوت ...
ومـــتاني شــريف يصــيح خنــشيعة ...
و بـــعد لحـــد ينـــوح ويـذكر المرحوم ...
مات ! وكـــل دمـعكم بــعد مــيرجـعة .
شــــلون ردح العماره ... هيج ..وهيـج...!!
شتـــدري بينا ...؟؟ عرفه ..ولفه وي الردح..؟
احــنا عشنه جروح من تنــزف حيــــــاة..!
انته هم شـــايف .كَبل يردح ....جرح..؟؟…
