هنا

[جولين]

اثر جفي عله بابك كثر ما دكيت
ومل حته الجدم كد ما اجه لبابك
يا نغمة بلابل ترن كل مصباح
يفك باب العشك من يسمع اخبارك
جنت شجرة عشك حايل تمر ع الناس
ولا مرة اشتكيت برميت احجارك
خطارك عيوني وروحي جتك طيف
ترد بيه عذر لو وصل خطارك
درجع مو كلت حسبته يوم .. اثنين
وينك يالعفتني اتكلب بنارك
ابتله المن كال عذر الغايب وياه ؟
خلصت العمر بس احسب اعذارك

[سمراء من قوم عيسى]

افز واسمع سوالف وما اشوف ناس
ثاري انت ويه روحي اتسولف ابسكته

[سمراء من قوم عيسى]

شيب واهسي من كد الفراك
وحدب شوف عيني وانت ما جاي

[جولين]

عنك لو رحت ما طول هواي
الرموش فراكهن حسبة ثواني
وامانة لغيري وجهك لا تراويه
واذ تشتاك سولف وي مكاني

[سمراء من قوم عيسى]

من كد ما غيابك شعل بيه النار
على ظلوعي هلي كامو يخبزون

[جولين]

الف مبروك يلماخذ حبيبي اليوم
بس احذرك تره محبوبي خاين

[سمراء من قوم عيسى]

مو هذا اتفاقي وياك غلطان
اتفقنه اتروح من ايطمني التراب

[جولين]

المختنك مني بعد ليشم هواي
المايحبني لا يضل يركض وراي
اني من اكرهلي واحد خل يموت
ولا يشوف الذلة من انطي كفاي

[الاسمر العراقي]

أريـد احجي بجــرح تبجيله گل عـين
واريد اگتب قصيــده بريشه احزانـي
واريـد اخذ هــمومي لفوگ الغــيوم
اهـدها وهم ترد تـرجعلي من ثانــي
خـلص هذه العـــمر هـم ومـصاب وآه
اسد باب الحــزن وانسئ شكثر بيباني
مل مـني الــــصبر بـس اني مامليـت
اگــابر وابتسم لــوشفت صحــــبــاني
احبـس الدمــعه بقهـر وتفيض الجروح
واتـاني يمر فـــرح يطفيلي بــرگاني

[جولين]

تعال جروحي حيل تعلقن بيك
من يوم الرحت محد لجمهن