من أقر يمك غزل لاتكول الله أبد
الله لونك كلت
اسكت وصفك الك
وإني لكلك أعد .
من أقر يمك غزل لاتكول الله أبد
الله لونك كلت
اسكت وصفك الك
وإني لكلك أعد .
ماخنتك والله ويشهد عليه الليل
وبعدني ويه الكمر يشكيلي واشكيله
وبعد دكات كلبي من يمر طاريك
يذوب وبالحزن تكثر موواويله
ارجف
وارتعد
واذبل واضل محتار
هو الكلب حبك شرد اسويله
ما سهران
ما عاشك لحد الآن
مو صعبه العشك
بس صعبه تلكه انسان ..
كون انام واصحى ملفوف بجفن
وكون اشوف منو علي عيونه بجن
ارد اموت .....اي اموت واندفن
وارد اشوف منو يحط جثتي بالحضن
ارد اشوف منو صدك ميت اني
ومنو بعده منتظرني وكاعد يتاني
وارد اشوف من هم دفانتي
ومنو عالظهر شال جنازتي
ومنو حاضن تابوتي
وما يقبل يدفنوني
وارد اشوف حبيبة قلبي
هم على فراكي تبجي
وتحضني بحزن وما تقبل تهدني
لو عادي عدها بس دمعة تنزل ما تلمني
وارد اشوف اصحابي
ينصبون الجادر ابابي
ويذكروني بحزن كل احبابي
كون انام واصحى ملفوف بجفن
واندفن مرتاح بلا هم وحزن
ترة العاشگ صدگ مخنوگ
بيبان الخلگ ضده
الما ضايگ هجر ما يستلذ بالشوگ
حرورة ملگة ما عنده.
يصيحولي بغيابك عافك وراح
لا خابر حبيبك لا مسج وده
لا غزر ملح لا ذكر دمع الليل
سافر من حياتك وما بعد رده
شتصور جوابي ؟ كلت لا معذور
بس يمكن الغالي واكع بشده
جلجل عليه الضيم من كل كتر طب….
كل ما اكول تهون بالعكس تصعب… ..
انا المخنوك عبرة منها يطلع صوت
لا تبجي على المايسوه تبجيله
وانا الفاقد الضحكة وعمري سنتين
وحزن شايب بكلبي والمن اشكيله
احنه فقره شعدنه ويحبونه
ابالهم منفوت ميخلونه
همه يردون اليحب لازم ترف
واحنه فقره نمتلك بس الشرف
الزاد كلش ما ترس ماعونه
تعال اكطع نزاع الليل
حط بنحري جم نجمة
تعال اتنفسك واندار
تعداني الهوه ومالحك اشتمه
الحجي البعيوني ماينكال
بس العاشك يفهمه ..!!