المشاركة الأصلية كتبت بواسطة نبع الحياه
طكني ورضيت بهاي من يرضه ينطك
فوكاها جاي ايريد حك وانا ابو الحك .
العشرة اشروط مو حجي اللسان
بكلاص احط الروح لو كلت عطشان
دروبي ظلمه
وحيلي مايكفيله خطوه يكفي صوت
وناس ماتدعيلي أعيش
بعيوني شفت جفوفهم تدعيلي اموت
آمنين افوت
براسي حيرة عاشكه الجتال اخوهه
بهدمي ريحة سالفة ثار وحجوهه
ماعدنة زگزاگ ودغش ع الفطرة واصل صيتنة..
وكت البرد نگعد تحت صورة علي.
ومن كثر مافقرة ..
نحس الله يبات ابيتنة
تعذبني اعذبك ما يهمني شلون
مادام انت خاين ما اعذرك
مو طبعي الغدر تدريني كلش زين
بس انت اغدرتني وراح اغدرك
ابيتنه بلبل طفل بس بي جرح
رغم الجروح ايغني فيروز الصبح
حطوا قفل بشفايفه ...
ورشوا عله جروحه ملح
بس هو ما بطل غنه من شاف جلاده يلح
فاض الصبر بالجلاد اتبطل غنه ....لو تنجرح
اتبطل غنه ...لو تنفضح ؟
اتبطل غنه ....لو تنذبح ؟
ساعتهه بلبلنا ضحك وغناله اخر اغنية
الله ...صوته شكد حلو لمن يغني المنذبح
منتظرك وما سلمت ..
اتسلم عله المو عرف
واني ادري بيك اتشوفني ..
عفت الجكاره لخاطرك ما ادري بيك اتعوفني ...
سالت يمته الفرج ؟
كالولي اصبر بعد... حد ما يجيك الفرج
ولكيته باب الفرج
بس عالي كلش عالي .... كالولي اصبر لعد حد ما يجيك الدرج
على روح الوفه ............. الفاتحة اقروها