من تطيح بعثرتك تكدر تكوم
كوم فنك يالطحت من عيني
من تطيح بعثرتك تكدر تكوم
كوم فنك يالطحت من عيني
لاتهتم على الراح وي همك الراح
والعالي مو بالطول بالصبر ينلاح
ثاري الكلب بالشوف اقوى من العيون
يعني التضيعة العين بالكلب مدفون
يا لناسي العشك بالجذب ما حنيت
ولا مر عله بالك طيف تذكاري
ايامي المضت ما هزتك فد يوم
ولا هزك ضميرك تسمع اخباري
بغيابك صرت شاعر منكسر مهضوم
بيا شعر الاذكرك تشتعل ناري
صرت كلي جمر واحلامي شبت نار
واذا ما صدكت بس اسمع اشعاري
عاشت ايدج زهرة التوليب دائما مبدعة
لا تحزن بعد وتبجي عله الراح
وعوف دموع عينيك لا تبديهه
ووكف عالجرح لا تصرخ وياه
وراح اكتب قصيدة والك اهديهه
مدينة الم روحي لا تضن ترتاح
انه ابن المدينه وتيهت بيهه
يل عندك جرح وتكلي مجروح
انه جروحي فاضت وين اوديهه
اذا باعك بشر صدكني لتضوج
الفخر للمشتري والعار للباعك
ترة حتى الصخر للصخر يحتاج
شنو كلبك حديد افراكي ما هزك
عندي دمعه وحايره بنص العيون
خايفة من تطيح تحسبهه ضعف
وخاف تبقه وتحرك بقسوه الجفون
وخاف تبجي وعيني تعمه وتنتلف
ارد اشكرك يلي نزلت الدموع
وبيدي باقه احزان اقدمها بشغف
لان من درسك صرت كلش خبير
وصرت بالاهات والون محترف
علمتني القسوة في نزف الجروح
وصرت اقوى انسان في فن النزف
انزف الدمعة عليك بلايه صوت
وانته تعرف زين بس ما تعترف
طبعي نخلة محملة انواع التمور
وانته مدري شبيك عينك عالسعف
درتلك ظهر كلبي بعد راح انساك
واعتبرك متت بل اقنع بموتك
وارجعهن سنيني الراحن بلياك
وادفن ذكرياتي بعتبة سكوتك
وبعد بالتسعة انام السهر راح وياك
وبعد باذني محرم ينسمع صوتك
ولو صارت سوالف والعتب ما يفيد
جناز العتب وسواره تابوتك
قطار الكلب سار ولا تنطره بيوم
بمحطاتك حلف ما يوكف يفوتك
نورتو الكون يالغوالي
كلكم ذوق وربي
مسائكم شعر شعبي