هواي اخبار طشت هاي الايام
اسولفلك خبر هسه سمعته
الحسن عاف البقيع وراح للشام
لكه العباس حارس مرقد اخته
هواي اخبار طشت هاي الايام
اسولفلك خبر هسه سمعته
الحسن عاف البقيع وراح للشام
لكه العباس حارس مرقد اخته
صح ماقصرت بــــــس همة مايدرون
بقيت بوجهة الأصفر من رحت عني
عليك ادعي اندعيلك حيرتني وياك
تحــــس مره وعشر مرات تجرحني
شگلك عن مساء الما أشوفك بيه
وشگلك عن اليوم اليمر من دونك
ماتطلع شمس والدنيا ظلمه تصير
وتدري اني اشوف الضوه من عيونك
بكلمة هلا وكلمة مساء الخير
يالتضحك الدنيا بضحكة سنونك
يالحبك سكني وحير العشاگ
لأن مو بس أحبك صرت مجنونك
شبلاهة عيوني تعشگ دون متشوف
و شجاني تعلقت بالـ ما اعرفه
غريب احساسي بيك تولعت ليش
شعور بداخلي ما بيه حيل اوصفه
الگلب يهواك عاشگ حد الخبال
بس عقلي عنيد يگلي اصرفه
و دخت ما بين عقلي و كگلبي المحتار
شيقنع الگلب و العقل ما يصفه
احلامي بريئه و جنهن اطفال
على ذراع الخيال شلون تغفه
وكت خلاك يمي امفرع ومذلول..
وانه جنت امنشوفن صورتك افحط
شنو ذنبي اعله مودك ماضكت كاروك
من ربك خلقني ابابك امكَمط...
ادك ومافتحته وهذاصبغ الباب
عظم اجفوف اديه بدكَتي اتشخط
عركـَ بابك ودنكَ صاح ولفك هااذ
ومن عاينت وجهك كَطره مانكَط
موشرط ابو شوارب ينحسب رجال
هتلر خوش زلمه بربع شـــــــــارب
مكتوب الحزن من اول المشوار
مكتوب نتفارق مو بدينه
سمعنة علة اليحب يتعلم الضحكات
واحنة علة الدموع تعلمينة
ندور عالفرح بس ما لكيناه
ولو ردنة الحزن يركض يجينة
اني ادري القدر يبلي البشر مرات
بس ليش القدر بس مبتلينة
تانيتك تجيني ومــــــا أجيـــت اشبيك
وي دكــــــات كلبــــي أحسبلك اليام
الامالي أبطريقك سكن بانـــي أسنين
بالكت مـــــن ترد أسمع اصوات أجدام
حتى أطيوفك من أعيوني كطعت ليش
ادور أعيوني الك مــــا الكه بيهه أحلام
خذت حتى الهوه مـــــــن عندي وياك
مـــــن يوم الرحت شهكة هوه ماشام
اليفارك أكيــــد أبجــــــرح يبقه يعيش
وبفراكك أجـــروح العشت بيهه أحجام
حجي الشمات تعرف حجر من يحجون
ونه حساسي أبغيابك تدري صاير جام
ماضحكت أشفافي أبـــــفركتك لليـوم
جوه اشفافي تلكه أشكد ضحك ضـام
تــــدري شعور الكاعد وايده بالنــار
مايشبه شعور الكاعد وايده بالجنــه
شكد فرحان اكـــلهم وانــي مــذبوح
وعجب بس من اسولف تسمع الونه
علي انت وزمـــاني صـــرتو خـــوان
وعلى صفاف الكلب سيفك تــسنه
تـــدري بكلبي مابـقه لسيفك مكان
يعني بكل مــكان بكلبي بيـه طعنه
جروحي ويـــــاك ما تتــــوزن بميزان
يعني جروح بكد جبل حمرين شلنه
اريد انهي كلامي مــــــــعاتب ويــاك
وهـــم احجيــلك بحالي شصار عنه
جنت سيد زمـــــاني وقائد العشاق
وهسه عضم بلا لحم فــركاك سلنه
الـف صـدعه الصفن بيـه و الـف طـار
و الف سوك الدره بظيمي والف طار
خـلـص رمضان و صـيامـه و الـف طار
نـسيـته وصـمـت عـيد الله سـويـه