اه يادنيا صدك مابيج امان
وفرق بين اليوم وايام الزغر
جانت كلوب البشر تنصع بياض
هسة لون كلوبهم ماينحزر
ممكن بلحظة يجيك بكل هدوء
وممكن بلحظات يتحول نمر
وانه محتار ويه روحي بهالزمان
ساعة اشد روحي مثل شد الحديد
وساعة الين الروح حد ماتنعصر
وساعة احس روحي على هدومي غريب
وخلص صبري وبعد مابيه صبر
مدينة الم روحي لاتضن ترتاح
وانه ابن المدينه وتيهت بيهه
يل عندك جرح وتكلي مجروح
انه جروحي فاضت وين اوديهه
ها يكلبي الوحدك ناسك نسوك ؟
الناس ريح وماتدوم احوالها
وانت تدري الريح ماتثبت تميل
ﻻتكول الناس مدري شمالها
ياما كتلك ناسك البالك تعيش
ماتمر انت اعلئ عتبه بالها
الماي عدها ورضت بستانك يموت
وانت دم عنبك بجف اسﻻلها
حتئ شجرتهم ﻻن يمها غفيت
صاحت الحطاب كص اظﻻلها
من يذكرونك بعد كلهم نسيت
وطيبتك ﻻزم تشد ارحالها.
ساكت مااسولف هاي الايام
ناذر من تجي تحجيلك دموعي..
براحتك
ماشايل بكلبي حقد
بس انت مختار البعد
موجودة يمته . ماترد
والطوبة هسة بساحتك
واضح كلامي وصدكه
من تمشي راسك دنكه
مثلي اذا كلبك لكه
ساعتها ارفع راسك
أحب أبچي بستر ..بس المصيبه شلون
أنه همومي غجر..والدمع دگ طبول
مسودن شافني بغيابك فنك شكال
همزين الله ما سواني مثلك
ما بيه حيل اشتم هوه
ياربي سلبوا راحتي
يوم الخذوه من الكلب
جن ماخذين ولايتي
كسروا خواطرنا بهجر
ماخافوا الله بحالتي
اتوضى فركتنه بدمع
من افرش مصلايتي
باكوه بس ماسولفت
بلكوه اكض حجايتي
الخاطره ساكت ماكلت
لو بيدي اكلهم مالتي
الهوه لو عنده غيره يروح للمخنوك
مو كاضيها يفتر بس على البردي
روحي جو حزنهة اتكيفلهة ...
وغير الزم عكدتي كي افلهة ...
سمع بيهة مضرتي كيفلهة ...
يطش جكليت ويصيح خطية
