لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها...
لا تسألني عنـك انت بيه تعيـش
تعال لمدن روحـي وعنـك اسألها
جانت قلعة روحي ومايطبها الجيش
لكن جيش حبك دخل واحتلـها...
انت اول عشك علمني معنة الشوك
ودعتك غصب وبعين مقهوره
وانت اول هجر جنت ادري راح يصير
وتفارك هواك الروح مجبوره
علي مرت شهور وهم تمر شهور
لا صوتك سمعته ولاشفت صوره
لوشوكك شعر يامن سكنت الروح
جا دفتر اشعاري انترست سطوره
ولو كلبك صخر صدك جبل حمرين
من باوعلي ماع وذابت صخوره
ماتغيرتي ...
رغم كل هل سنين ؟
ضحكة عيونج ولذة مستحاج !!
والله دنيا .... ؟؟
شلون اشوفج من بعيد !!
مدنگة تمشين ؟؟
وطفل يمشي وراج !!
كاعده ؟المشاركة الأصلية كتبت بواسطة لولو
لا هسه يمكن غافيه
أرد اگلج يامسيت العافيه
روحي بردانة سوالف ماتجين
والله بس انتي كلمتج دافية
يريــدونــي ابيع الروح وانساك
ويريدوني اجامل واحجي ضدك
مايدرون لو للصبح يحجون
اغلــس وابقة افكر بيك وحدك
ولأن يدرون احبك كاموا يكرهوك
من كرهــوك بيـــة ازداد حبك
ومن كد ما عزيــز بعيني اخليك
واجي يمهم واصيــحن حيل اودك
واكتبلك قصيدة واسمك العنوان
وابد ما بيهة بس كلـــمة احــبك
اريد اليوم اسولف كلشي وياك ..
وافك باب المشاعر عني واحجيلك
يبؤ صوت البلابل فرحت الأشجار ..
وكل غصن اليسمعك فرحة يدعيلك
من يوم العرفتك حاير وتعبان..
على فراش المحنه شگد اناغيلك
تعال افتحلي گلبك لاتسده وياي ..
واطلب كلشي مني بلهفة انطيلك
يا صفنة گمر ترسل سوالف شوك .
ويا آية حسن سمعني ترتيلك
يا مركب عشك تسحر گلوب هواي .
يا جنه وجهنم منك دخيلك
يالردتو غيري شلونكم؟
مايوفي..والله يخونكم
حطيتكم بعيوني امس
حطو الله بين عيونكم
مبارك عليه بالعافيه
باك الاحضان الدافيه
امايه تركض حافيه
هيج اني حالي بدونكم
حطو الله بين عيونكم
هو اليخون بصاحبه
مايسوه حتى نعاتبه
بس هذا الله الكاتبه
راسي وبياضه بلونكم
حطو الله بين عيونكم...
اذيت الگلب من كتلك اشتاكيت
ووجعت الكرامه وخيبت ظني
ماعندك احساس ولا شعور ايحب
بعشكك كصر عمري وانته متهني
حبيتك نعم وانه اعترف غلطان
حب من طرف واحد موت صدكني ..
اتعذبت بعشرتك وانته مرتاح
ماتدري حبيبي القهر كاتلني
اشوفك تحجي ويه الغير وانهار
وعبرات الدمع بالگلب تخنكني
مااريدك بعد صدكني راح انساك
عشره وبيها ذله ابد متهمني
شكرااااا
ابشرك يالـرحت فـــرحو الشمات
بحيث امن الفـــرح ركصت الحيطان
جـــان اسـود لـــبسهم وانت وياي
هسة مـن رحت لبسو الالوان
صــارت كـــلهة ضدي لـمن امشيت
حته الجان اخـــرس صارله السان
تعال ارجع وشوف شصار بلحال
صفيت اعظام بس بهيكل انسـان
صاحبت بغيابك انـي موناس
الحـــزن صاحبتة اني وصـرنه خــوان
تدري ابدون حبك عايش شلــون
مثل اعمـة وتـــكـود بايدة عميــان
ومثل حــال اليتيم العايش اوحيـد
عشت بدونك انة العمـر حرمان
من اشوف اثنين تدري بية شيصير
من اعيوني احس يطلع الدخـان
