هنا

[فقار الكرخي]

اني وانته الما تفاركنه شبر
والشوك يضربنه مثل!!
للعاف خله وابتعد··
او عالجرف كعدتنه طالت··
والنوارس منهه غارت··
واول اثنين انعزمنه··بعيد ميلاد الورد

[فقار الكرخي]

اذا كلمه احبك يعني احبك حيل
الف مره احبك واعترف بيهه
تعبني السهر وشكد طويل الليل
هاي من البدايه اشلون تاليهه
صدكني بفركتك انه شفت الويل
ولجل شوفة عيونك روحي انطيهه
... يااحلى قصيده انخبطت وي الهيل
احبك وابقه احبك وابقه احجيهه

[زمرد الشمري]

اممممممممم اكيد حلوة

[❥ اوليڤَيــــــا✿┊❥]

منور ابو الفووق هع

[محمد الدون]

أخذت كلشي ورحت. .لتكلي كلشي يهون

[فقار الكرخي]

دنيه مليانه عطش بس انته ماي
وهاي ناسك الك هسه ابعازه
السراب ايصير واهس لليطيح
ابعين كل عطشان الف عكازه
وانته ماكو او اخرك حيل التراب
اجنازتك سوتنه كلنه اجنازه!

[فقار الكرخي]

ولا مر بيه طاريگ….!
عمر خلصته بل وينك
السهر زنجر على اعيوني
ومدري بيا وجه عينك
اليل والما ادري….. ؟
تسئل انته وينك.. انته وينك
ومحد ايجاوب سؤالي
طويل خلگي ..بطول دجله
وخلگ شاعر يضفر الدخان روحه
وتكبر اباله كصايب… "

[فقار الكرخي]

محد دره بشوغتي
بس الله عنده علم
سوو ارموشي حطب ... وحركو بعيني الحلم
على شفافي حطو جرح
وسو سيطره من ملح.....
......يفتشوني خاف ابتسم ..

[فقار الكرخي]

خلينه من هذه الحصل
خابرني شامت واتصل
ويكلي محبوبك وصل
باوع ركبته شبيهه
شرد انه ابرر مو قفي
وكالولي شو خان الوفي
ماكلك بدمي متت
من طبكة رموشي خفت
لا خاف تكسر عيني
وانطيك كلبي انه ردت
بس كلبي ماينطيني

[ملكے الاحساسے]