هنا

[فقار الكرخي]

روح يبني وسولف اشوصاك ابوك
مطال وي الموت عالگاع انمطل
وتدري يبني الدنيا بس موقف تريد
ورفعة الراس ابدماهم من تطل
هاك اخذ صايه وهدم وعگال ابوك
ولا تماشي الما مربياته العگل
ذوله من تعطش يجي بچفينه ماي
ومن يخلص روحه يعصرهه ابطل

[فقار الكرخي]

شنو شسامع بجرف الصخر صوت خيام
احسك تركض وتارس هدومك ماي؟؟
مايتوالمن تموز وجويريد؟؟
وطولك والكبر ماراهمات هواي؟؟
يل معلم الفخاتي شما يمرها الصيف
بزلوفك تعشعش من تدور فياي ؟؟
روح وداعة الله ورد اخذنه اوياك؟؟
بس بداعة امك لاتطول اهواي
مامعذور اذا بالاربعين تغيب؟؟
تعال اويه المكابر للصحن مشاي

[فقار الكرخي]

مدري ليش؟
الدنيا عرجه وياي تمشي !!
ومن تماشي لغيري تصحه !!
مدري ليش؟
من عصرت سنين عمري
ما طلع بشفافي فرحه !!
شماله حالي
يمشي وي حايط فقيررررر
الدنيا تهوه العينه وكحه !!

[فقار الكرخي]

دليلي مصوب ومحتار بالهام
برزية كربلاء ماركن بالهام
اخويه حسين صابه الحجر بالهام
وطاح من المهر فوك الوطيه

[فقار الكرخي]

عفناك ابگبر قصرنه حيل اوياك
المثلك يم حواري العين ماينعاف
ماضمينه طولك چنه ممحسبين
حته امن النده لازم عليك انخاف
الچادر طيحيناه والدموع اشكال
الدمع ضل بالمدينه امنين مانلتاف
اورجعنه ابيوتنه اونكسر الخاطر حيل
جنايز من رجعنه ومالگينه اجتاف

[ضـحكة خـجل]

يا تابوت شالك ضمتك يا كاع .. اليه اعتاب مالح ويه عزرائيل‏

[¥محبوب$القلوب¥]

أذا أني غشيم و ضحكت ياحيف ........ أبشرك صرت من فركاك لوتي

[ضـحكة خـجل]

ﻻتحفر كبر احفرله قطاع
خاف يضوج هذا ابن المدينه

[¥محبوب$القلوب¥]

أذا صياد أنته ورايد أتصيد ....... أنصدت من أول نظرة من عيونك

[¥محبوب$القلوب¥]

عكرب تريد أتصير تلدغني وتروح ....... ولك أني أمنت بيك و سلمتك الروح