هنا

[نـرٍجٍـس آلُِـمـوُسـوُي]

عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه

[نـرٍجٍـس آلُِـمـوُسـوُي]

سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه
هاي الك فقار

[نـرٍجٍـس آلُِـمـوُسـوُي]

اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه

[نـرٍجٍـس آلُِـمـوُسـوُي]

وسﻻمتكم
خو اني ما حجيت وانت تريد تفجرني

[فقار الكرخي]

ياكرسي الحكم تسمعني لو لا؟
مانرتاح منك مر الايام؟
دوم انته سبب بالمشكله اتصير
وعليك احنه انتعارك كل الاعوام
خليت الشمس من يخلص الليل
توصلنا الظهر من علو العظام

عدل ؟ميت ؟ظاگت الدنيا عليك؟!
تهجرت بالغربه ،بيتك منهجم،،


كلها سهله !ولاتفاركلك حبيب.
هوا هذا الموقف المابي زلم.

نورتني يا ذهب

[❥ اوليڤَيــــــا✿┊❥]

لآيزعجني آنشغآلك عني بقدر مآهو ( آنشغآل) فقط
ولكن مآيزعجني آنشغالك وآنآ في عزّ شوقي إليك . .

[فقار الكرخي]

يدهري بهاي ولة بذيج وصاك
وهاك اخذ مني الشيك والصك
اني الجنت ادور الزين والصاك
هسة العاوي ظل يتدلل علية

دمي البعد وفراقة مصل له
وردت بس اوصل الكلبه مصل له
عفت روحي يم دارك مصله
ذمة ابكل وكت صلو عليه

وحك الله ونبي الرحمه وعلينه
بحبك للسمه اوصلنه وعلينه
يديمك ياعراق النه وعلينه
تضل خيمه بحق حامي الحميه

اليوم براي احس روحي وامس راي
بغيابك فاكد النشوة ومسراي
نحيل مضيع الخطوه ومسراي
تايه والضنون تكود بيه

انا الما اكرر بحجيي ولا عيد
ولا احسب بزلاتك ولا عد
شمالك ما تمر بية ولا عيد
الخلل مدري بجنابك مدري بيه

يصح اخ جبل من تنخاه وخ تل
وكتنه تخربط ومهزوز وختل
طحت والبعض ضم الراس وختل
وفزعت انت دفاع وداخليه

الك ياما دليلي ارتجل وانشد
وحبلي وياك حيل انعكد وانشد
اهيم ابذكر طرواك وانشد
واحس اعضاي كلهن مو اليه.

طرب كلمن سمع وني ونب عيد
بسبب لنك بعيد انت وانا بعيد
بصباح العيد هل دمعي وانا بعيد
بسبب ماشفت وجهك طل عليه

وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه

بضلعي الكلب ضل ملزوم ضلعي ايد
ويكلبي بالعتب عالراح ضل عيد
اذا بالعيد مامريت ضل عيد
حزن الكون كله اندار بيه

عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه

زماني هموم بيه وضيم جلجيل
وحجي الشمات والبطران جل جيل
انا وذيب وحدي وليل جل جل
شتلكه الصبح غير اعضام ليه

شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه

جفل كلبي بمحبتك مايمنها
طير وعطش ةادري مايه منها
اليسوي كون زينه ما يمنها
اليه وياك وحده اعدال ميه

عيون الكلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسا هواك شعمل بيه

الكلب شاط والف كانون وجبه
وهمومي اثكال وجبه ارداف وجبه
كلب الوجبك بالشوك وجبه
ولو بالجذب غمزه عين ليه

سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه
هاي الك فقار

الك من عندي اوديلك ( شكر خاص )
واحذرك بالك تعاشر ( شكو رخاص )
ربك خله ويه طينك ( شكر خاص)
واني ذرة شكر ماخله بيه ..هاي هم الج

اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه

مدولغ والسألني شبيك هي هي
اگله ويضحك عله الحال هي هي
امخبل گامو يصيحون هي هي
لــما كلش ولا ضل خيط بيه

وسﻻمتكم
خو اني ما حجيت وانت تريد تفجرني

واحلى اطلالة من العلوية
نورتيني وربي
وخاصتا اليوم جمعة
وبركاتج ترست المدونه
ودي

[نـرٍجٍـس آلُِـمـوُسـوُي]

صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خسرتني بسبب بطرانك عليه

[نـرٍجٍـس آلُِـمـوُسـوُي]

كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه

[فقار الكرخي]

صحبتك ليش كصرت ما طلتها
وانه الدنيا علمودك ما طلتها
جنتلك فرصه سهله ما طلتها
خسرتني بسبب بطرانك عليه

الوكت كلش مرد عيني طفاهه
وله جمرة بوسط كلبي طفاها
وحك حسين من طبهه طفاها
وخل الروس تترادم سوية

كلبي شم عطر خدج وراساج
وعلى مرسى العشك حطج ورساج
احلف بالغزل واهله وراسج
معوفنج لون تدنه المنيه

احب حرفين بسمك سين والعين
انه بوصف الحواجب حرت والعين
اليساعدني اجيبه منين ويعين
عليك ونكظي عشرتنه سويه