ما خسران كلشي وياك فد روح
شجاك شغيرك مو جنه فد روح
وسف كلمة تعال تصير فد روح
اروح الوين وانته بكلشي بيه
ما خسران كلشي وياك فد روح
شجاك شغيرك مو جنه فد روح
وسف كلمة تعال تصير فد روح
اروح الوين وانته بكلشي بيه
ثكل همي وﻻلي صدر يسعى/
وذلولي نحر بيه البيد يسعى/
اليغص بالزاد اهو للماي يسعى/
وانه بالماي اغص شلون بيه
ﺗﺮﺳﺖ ﺟﻴﻮﺑﻲ ﻫﻢ ﻭﺭﺣﺖ ﻟﻠﺴﻮﻙ
ﺧﻠﺺ ﺩﻣﻌﻲ ﻭﺭﺣﺖ ﺍﺭﺩ ﺍﺷﺘﺮﻱ ﺩﻣﻮﻉ !!
ﺷﻔﺖ ﺑﻴﺎﻉ ﻋﺎﺭﺽ ﻛﻮﻣﺔ ﻋﻴﻮﻥ ...
ﻣﺴﺘﻬﻈﻢ ﺩﻣﻌﻬﺎ ﻭﺻﻮﺗﻪ ﻣﺴﻤﻮﻉ ...
ﻛﺘﻠﻪ ﺍﺳﻤﺤﻠﻲ ﺍﻛﻠﺐ ﻛﺎﻝ ﻣﺮﺧﻮﺹ ..
ﺍﺳﺘﻨﻜﻲ ﺑﺮﺍﺣﺘﻚ ﺷﺘﺮﻳﺪ ﻳﺎﻧﻮﻉ ؟؟
ﻛﺘﻠﻪ ﺍﻧﺘﻪ ﻋﻠﻰ ﻋﺮﻓﻚ ﺷﻮﻓﻠﻲ ﺛﻨﻴﻦ ..
ﺗﻜﻔﻴﻨﻲ ﺍﻟﺪﻣﻮﻉ ﺍﻟﺒﻴﻬﻦ ﺍﺳﺒﻮﻉ !!
ﻛﻠﻲ ﺍﻧﻄﻴﻚ ﺩﻣﻌﻲ ؟ ! ﻳﺠﺪﻙ ﺳﻨﻴﻦ ..
ﺟﺮﺑﻪ ﻭﺷﻮﻑ ﺍﺫﺍ ﻣﻮﺯﻳﻦ .. ﻣﺮﺟﻮﻭﻭﻭﻭﻭﻉ
ﻛﺘﻠﻪ ﺷﻌﺎﻳﺰﻙ ؟؟ ﻭﺗﺒﻴﻌﻬﻦ ﻟﻴﺶ ؟؟
ﺟﺮ ﺣﺴﺮﺓ ﻭﻫﻤﺴﻠﻲ ﺑﻜﻠﺐ ﻣﻔﺠﻮﻉ
ﻭﻛﻠﻲ ﺍﻟﺪﻫﺮ ﻃﺒﻊ ﺍﻟﺪﻫﺮ ﺩﻭﻻﺏ
ﻭﻳﺠﻲ ﻳﻮﻡ .. ﺍﻟﻴﺒﻴﻊ ﻳﺼﻴﺮ .. ﻣﺒﻴﻮﻉ !!
ﻭﺷﻔﺖ ﻭﺍﺣﺪ ﻛﺒﺎﻟﻪ .. ﻣﻄﻠﻊ ﻋﻴﻮﻥ ..
ﻭﻋﻠﻴﻬﻦ ﻃﺎﺑﻊ ﺍﻟﻤﺄﺳﺎﺓ ﻣﻄﺒﻮﻉ ..
ﻳﻠﺘﻬﺒﻦ ﺣﺰﻥ .. ﻭﺟﻔﻮﻧﻬﻦ ﻧﺎﺭ ..
ﻭﺍﺫﺍ ﺣﻂ ﺍﻟﺜﻠﺞ .. ﻓﻮﻛﺎﻫﻦ ﻳﻤﻮﻉ ؟ !
ﻛﺘﻠﻪ ﺍﺭﺟﻮﻙ ﻛﻠﻲ ﻋﻴﻮﻧﻤﻦ ﻫﺎﻱ ؟؟
ﻛﻠﻲ ﺍﻟﻨﺎﺱ ﺑﺎﻋﻮﻫﻦ ﻣﻦ ﺍﻟﺠﻮﻭﻭﻭﻉ
ﻋﻔﺘﻪ ﻭﻛﻤﺖ ﺍﻣﺸﻲ ﺑﺴﻮﻙ ﺍﻟﻌﻴﻮﻥ
ﺍﺭﻳﺪ ﻋﻴﻮﻥ ﻛﻮﻥ ﻳﻌﺎﻭﻧﻨﻲ ...
ﻏﺸﻴﻢ ﺑﻼ ﻓﻜﺮ ﺍﻣﺸﻲ ﻭﺑﻼ ﺭﺍﻱ ..
ﻭﻟﻦ .. ﺛﻨﻴﻦ ﺩﻻﻻﺕ ﺍﺟﻨﻲ ؟؟؟
ﺭﺍﻭﻧﻲ .. ﺟﻨﻄﻬﻦ .. ﺑﻴﻬﻦ ﺍﺷﻜﺎﻝ ؟
ﻭﻛﺎﻣﻦ ﺑﺎﻟﻌﻴﻮﻥ ﻳﺮﻏﺒﻨﻲ ..
ﺷﻔﺖ ﺛﻨﻴﻦ،، ﺷﺎﻳﻔﻬﻦ .. ﻣﻦ ﺍﺯﻣﺎﻥ ..
ﻭﻣﻦ ﺷﺎﻓﻨﻲ ﻫﻨﻪ .. ﺍﺗﺬﻛﺮﻧﻲ !!
ﺑﺠﻦ ﺷﻜﻦ ﺍﻟﺠﻨﻄﺔ ﻭﺑﺠﻦ ﺍﻟﻨﺎﺱ
ﻭﻛﺎﻣﻦ ﺑﺎﻟﺪﻣﻮﻉ ﻳﻌﺎﺗﺒﻨﻲ ؟؟
ﺣﻜﻬﻦ ؟ ! ﺁﻧﻪ ﻧﺎﺳﻴﻬﻦ ﻣﻦ ﺳﻨﻴﻦ ...
ﺍﻭ ﻭﻻ ﻧﻜﺮﻧﻲ ،،ﻫﻨﻪ ﻭﻻ ﻧﺴﻨﻲ
ﺗﺪﺭﻭﻥ ﺍﻟﻌﻴﻮﻭﻭﻥ ﻋﻴﻮﻧﻤﻦ ﻫﺎﻱ ؟؟
ﺟﺎﻧﻦ ﻛﺒﻞ ﻓﺘﺮﻩ ﻋﻴﻮﻧﻲ ﺫﻧﻲ:
ﻋﻔﺘﻬﻦ ﻳﺒﺠﻦ ﻭﻛﻤﺖ ﺍﻣﺸﻲ ﺑﺎﻟﺴﻮﻙ ..
ﻭﺻﺪﻓﻪ ﺍﺳﻤﻌﺖ ﺻﻮﺕ .. ﻣﻦ ﺍﻟﻴﺒﻴﻌﻮﻥ ..
ﺍﺫﺍ ﻋﻨﺪﻙ ﻋﻴﻮﻥ ﻧﺸﻮﻓﻬﺎ ﻧﺮﻳﺪ .. ؟
ﻭﻧﺰﻋﺖ ﻋﻴﻮﻧﻲ ﻭﻛﺎﻣﻮﺍ ﻳﺸﻮﻓﻮﻥ ؟ !
ﺷﺤﺎﻝ ﺍﻟﻠﻲ ﻳﺒﻴﻊ ﻋﻴﻮﻧﻪ ﻟﻠﻨﺎﺱ ؟؟
ﻭﻳﺸﻮﻑ ﺑﺎﻋﺰ ﻣﺎ ﻳﻤﻠﻚ ﻳﺴﻮﻣﻮﻥ !!
ﺍﻟﻤﻬﻢ ﻛﻠﻮﻟﻲ ﺫﻧﻲ ﻋﻴﻮﻧﻚ ﺯﻏﺎﺭ ؟ !!
ﻻﺑﻴﻬﻦ ﺭﻣﺶ ﻻ ﺑﻴﻬﻦ ﺟﻔﻮﻭﻭﻭﻥ ...
ﺍﻣﻮﺷﻞ ﺩﻣﻌﻚ ﻭﻣﺎ ﻳﻨﻔﻊ ﺍﻟﻨﺎﺱ
ﺍﻟﻨﺎﺱ ﺑﻬﻞ ﻭﻃﻦ ﻳﺮﺩﻭﻥ ﻳﺒﺠﻮﻥ ؟؟ !!
ﺗﺎﺍﺍﺍﻟﻲ ﺍﺗﺒﺮﻋﺖ ﺑﻴﻬﻦ ﺑﻼ ﺷﻮﻑ ...
ﻭﻗﻒ : ﻟﻠﻨﺎﺱ ﻟﻮﺭﺍﺩﻭﺍ ﻳﻨﻮﺣﻮﻭﻭﻥ ؟؟ !!
ﻭﻋﺼﺮﺕ ﺿﻠﻮﻋﻲ ﻟﻤﻦ ﺻﺎﺭﻥ ﺩﻣﻮﻉ ..
ﻭﺳﻮﻳﺖ ﺍﻟﻜﻠﺐ ﻟﻀﻠﻮﻋﻲ ﻣﺎﻋﻮﻥ ...
ﻭﺍﺣﺲ ﺍﻟﻌﻤﺮ ﺧﻠﺺ ﻭﺍﻻﺟﻞ ﺣﺎﻥ ..
ﻭﺍﺭﻳﺪ ﺍﻃﻠﺐ ﻃﻠﺐ .. ﻣﻦ ﺍﻟﻴﺪﻓﻨﻮﻥ ؟
ﻛﺒﻞ ﻣﺎﻳﺪﻓﻨﻮﻧﻲ .. ﻭﻳﺤﺰﻥ ﺍﻟﺴﻮﻙ
ﻭﻛﺒﻞ ﻣﺎ ﺑﺎﻟﺠﻨﺎﺯﺓ ﺍﻟﻨﺎﺱ .. ﻳﻤﺸﻮﻥ
ﺑﺪﻣﻊ ﺭﺍﻳﺪﻫﻢ ﻳﻐﺴﻠﻮﻧﻲ ﻣﻮ ﻣﺎﻱ
ﻭﺍﺭﻳﺪ ﻳﺼﻴﺮ ﻛﺒﺮﻱ
ﺑﺴﻮﻙ ﺍﻟﻌﻴﻮﻥ
عله كيفك يعمي الهجر موزين
تعال وشوف كلبي شصاير بحاله
سؤال بكلبي ضل ولازم احجيه
هجرك علمتر لو مأخذ اكباله
مثل الصلاه ملكاك وبراسي ،،،
حيره ،،،
قبله انت وجهي شلون عنك،،،
اديره ،،،
سولفت على حبك دوخت هل ناس
كتلهم احبه ومايحس بيه
طلع واحد يكلي شبيك
اظن عندك ياسامع حاله نفسيه
كتله من الهجر ماظل عقل براس
اظن مامار انته بقصه حبيه
هز ايده وتركني وكلي معذور
شلي بهل الطلابه واني شعليه
انا العين البجت والمانست ذكراك
واناالدمعه الحزينه الماهوت غيرك
انا الكلب الحنين البيك ينبض دوم
وانامسودن صرت من ظيم تفكيرك
انا الكلي جرح والخاطرك مرتاح
واحب كلشي ابصفاتك شرك وخيرك
تتهمني بغرامك جذبت وياك
وتتصور نسيت وملتهي بغيرك
كون بروحي اضمك لمن اتنام
وكلبي يصير لخدودك وسادة
مارارضى تنام وتغفة عالكاع
لان الكاع هية المستفادة
جني ناي...
ناي اخرس يسولف بس بواچي...
ومايغرد بس حزن،،،
وعله فكره الناي خشبه،،
وأه يا طبع الخشب،،،
مره اشوفه ستر واكفلي باب،،،
ومره اشوفه مهد حاضن طفل،،،
ومره اشوفنه شفايف حاضن حلك،،،
مايسولف بس نعي،،،
ومره اشوفه ادين اعله شجره،،،
وشايل عشوش البلابل،،،
كمت احس چن عمايم للغصن؟؟!!!
وحق اليطي الحاجه بلمجان
كطعو جفي هذاك الي بلم جان
حسافه الجان بالدنيا بلا مجان
يصير شلون صاحب راي اليه