رحل كلشي بغيابك.بس بقت هالـروح
تروح الروح فدوة وبس تعــــــال ارجـع
مكانك بعده فارغ .ما ملاه الكـــــــــون
كل باب وركن من غيبتك دمّـــــــــــع
رحل كلشي بغيابك.بس بقت هالـروح
تروح الروح فدوة وبس تعــــــال ارجـع
مكانك بعده فارغ .ما ملاه الكـــــــــون
كل باب وركن من غيبتك دمّـــــــــــع
حبيبي من يمر اسمك يريح .. الروح
انسى كل الم وانسى كل .. عبره
اسمك لو عليه لحظه من .. يغيب
احس بين الضلوع تصير الك .. جمره
مااريد بعيد اتصير عني .. اهواي
قريب انت وحس بعيد مو .. شمره
اكض الروح كوه من الك .. تشتاك
اذا كضيت روحي الكلب .. شيصبره
يغيم الكون اذا فديوم شخصك .. غاب
اعيش اليوم كله بحزن .. وحسره
اسمك لو يصير الموت اجلب .. بيه
مو من اموتن بيك الف .. مره
كالوا مــن تــعوفــه بـسرعــه ينســاك
ويشـك الصــور والذكــرى يحركهه
كلـت سهلــه الصـور والذكريــات تهــون
بــس روحــي ويــه روحــه شلــون يحركهــه
تصح ومضة شعر تفرش دواوين
ويصح ديوان مايفرش حصيرة
وتصح كومة زلم ماتسوة فلسين
ويصح شخص مثلك يسوة عشيرة
من كد ماحلو محد مشة وياك
والماشاك هم ماظل يماشيك
هوة ماشاف دربة تعثر وطاح
لأ كضاها بس يعاين عليك
حظر تجوال خلو يوم يومين
رادو شوفتك من عدها يحرموني
راح اطلع واجاهد خلي كلشي يصير
بس اوصل واشوفك خل يكتلوني
جم محب حاول ينسة الحبيب
وانة من انساك اظل دايخ عليك
انت حبك يختلف فد شي غريب
حتى نسيانك حلو يذكرني بيك
أمس اباب بيتك ضاعت الروح
واجيت ادوور هم شفتها
اظن لمن كعدنة بعتبة الباب
رحت انة وبقت يمك عفتها
غلطت بــــرقم كلبـــك هيجي دكيــت
وشفت بالشاشه طالع جاري العتـــاب
انتظرت اسمع حنينك واسمعت صـوت
كــــال اعذرني غيرك مشترك حــــاب
.عبرت وياك مرحلت العلاقات
اليظن نتفارك من الناس مجنون
.
من كد ما تجي وتروح عالبال
ضل بعقلي بس اثار رجليك