سيف حيدر لو وكع فوك الركاب
يخطف اركاب الزلم من وحده
ويمه عزرائيل يكعد ما يكوم
خاف راسه ينخطف وي العده
سيف حيدر لو وكع فوك الركاب
يخطف اركاب الزلم من وحده
ويمه عزرائيل يكعد ما يكوم
خاف راسه ينخطف وي العده
منو مثلك علي ضحه شكثر للدين
واخر تضحياته يضحي في عمره
ومن سمو اسد في معركة صفين
وبصولة بدر خله الزلم حدره
ومنهو الي قهر امه بني اسرائيل
وظلت الى الان بأسمه منقهره
علي اسمك قبل ما واحد مسميه
جبرائيل خط اسمك على الصخره
بالكعبه يحيدر طلكت امك بيك
وحته الجن الازرك لبد في جحره
يونس ندب بيك انته قبل متصير
وكال احضر علي وخلصنه هل المره
يندب ياعلي المضايق ومظلوم
واليندب علي شكد ينفتح صدره
اني اعوفك يا علي بس بشروط
الكه واحد مثلك الينخاه مجاب
كون نايم ليل بفراش الرسول
وكون قاتل مرحب وشالعله باب
وكون اذا مات النبي ومايبيعوه
وما يجر سلاحة ويسوي انقلاب
وكون من يصير اميرالمؤمنين
مو براتب يشتغل بس للثواب
وكون شاغل كراسي مو مشغل بيه
مو مخلينة فقط يملي المناصب..
ما اصدك يا علي انت التموت
وما اصدك بالصلاه انته الطحت
انته يا حيدر علي الحق المبين
ويعني مات الحق اذا انته متت
انته جفك يا علي امره عجيب
صار للاسلام يا حيدر رمز
ساعه اشوفه بالحرب يكطع ركاب
وساعه اشوفه يا علي يوزع خبز
ها طر الفجر بينت ليه خيوط
طلع من بيته حيدر والمنيه اتحوط
إرجع يا علي ايصيحن وراه البطوط
لا تتركنه إرجع سيدي الدارك
ا چريم الماكو منك
حتى بالفزعة چريم
بيوم تنخاك اليتامة
مفرع تهد او تحمل كلشي عندك
اليتامة بوكتك تعيش بنعيم
شلون اعقلها طبرتك
ياهو هذا الگدر يوصل
يم سراط المستقيم
العرف حيدر صدك ربة.... علي من
تعال وخل اسولفلك......علي من
علي...... الزهرة
علي..... العترة
حلم ويطوف عالفقرة
علي.... الاية
علي...... الراية
وسيلة ومبتغى... وغاية
علي وكل اليتامة وياك
علي هوة الشفيع هناك
علي.. وجف ابنك #العباس ماننساك
علي وماراح اكول.... ازود
علي لمابايعك.... مرتد
علي لعاداك.... بس ملحد
تكرهة وحاطة براسك.... عليمن
اشمك بيك ريحة ال #امية
يالمخوف الزلم حد كشط الجلود
ترجف من تشوفك لو يمر طرواك
تلوذ المعركة بسدك يا بو الحسنين
وأتضل تصرخ اتخيلك يا علي وتنخاك
تدلئ الرؤس المعت الفقار
ويركع رغم انفه الضدك وعاداك
علي مو بس بالنجف عنده مزار
علي حتى ب كعبة الله تشوفه
اليحبه يزوره ويبوس الجدار
وعلي حتى المايحبه يطوفه