هنا

[الاسمر العراقي]

ﺗﻜﻠﻠﻲ ﺍﺻﺒﺮ ﻳﺨﻲ ﺷﺼﺒﺮ
ﺃﺧﺎﻑ ﻣﻦ ﺍﻟﺼﺒﺮ ﻳﻜﻔﺮ
ﺟﺴﺮ ﻭﺍﻟﻨﺎﺱ ﻋﺒﺮﺗﻨﻲ
ﺑﺲ ﺁﻧﻪ ﺣﺮﺍﻡ ﺃﻋﺒﺮ
ﺃﺭﻳﺪ ﺍﺣﺠﻲ ﺣﺠﻲ ﺍﻟﻤﺠﺮﻭﺡ
ﻭﺃﺩﺭﻱ ﺍﺣﺠﺎﻳﺘﻲ ﺍﺗﻌﻮﺭ
ﻭﻳﻨﻪ ﺍﻟﻤﺎﻳﺨﻮﻥ ﺍﻟﺰﺍﺩ
ﻭﻳﻦ ﺍﻟﻮﻓﻲ ﺍﻟﻤﺎﻳﻐﺪﺭ
ﻓﺘﺖ ﺳﻮﻙ ﺍﻟﻮﻓﻪ ﻳﺎﺣﻴﻒ
ﻟﻜﻴﺘﻪ ﺧﺎﻟﻲ ﻭﻳﺼﻔﺮ

[الاسمر العراقي]

أميرتي وسيدتي وحبيبتي
احبك حيث أعيش وأكون
حيث نبض القلب والمكنون
حيث دماء الشريان وضياء العيون
فحبى لعيناكي رموش
ولنظراتى عيني تعداد وألوف
أحبك بلغات الجنون
بلاعقل ولا مفهوم

[الاسمر العراقي]

ليش اصفن عليك من احجي وياك
وانسه الدنيا من نوكف سويه
وليش ارضه بجروحك واني ممنون
برأيك ليش متحمل الاذيه؟
وليش اتمنه اشوفك اسعد انسان
حياتك بس سعاده وهاي هيه
واذا فديوم شفت بعيونك دموع
ادعي من الله تاخذني المنيه
هسه فهمت حجيي وشقصدت بي؟
احبك يعني مابين عليه

[فقار الكرخي]

مشوا فوگي ولا يدرون
ازمة عافيه بروحي!
رادوني اگلهم آخ
بس استحسفت نوحي!

[جولين]

زارعني بامل ما شفت منك ماي
اذا مالك خلك جا ليش تزرعني
كلشي البيك ردته انطيته للباعوك
ما ضل شي بعد شتريد تنطيني

[سمراء من قوم عيسى]

كالو عوفة باجر ما كلت ليش
المهم يردون من باجر اعوفك
شلت عيني اعلة مود انوب ما اشوف
كمت ما اشوف غيرك بس اشوفك

[الاسمر العراقي]

ولك اذا ردت اتعله ﻻتشلبه فوك
أنزل دون ربعك لو ردت تعلم.
الماي اشكد شريف وبي حياء الكون
ودور الناصيه وما دور الله. .

[محمد الدون]

همــٌكْ .. وهَم الناس .. وهَم همْ الأيــــــــــــام
وفوكًًـــــاها هم العين ماتقبل إتنــــــــــام

[فقار الكرخي]

انه الفلاح واكرم لمن اسكي الكاع
ماي انطي الزرع للزين والمو زين
الغزر بيه تعبي يعله فوك الكاع
والما غزر يظل ما يعله فوك الطين

[سمراء من قوم عيسى]

غيمه وعصرني الشوك وما اكدر احجي
والغيمه من تشتاك تلكاها تبجي