يلومني اعله طبعي اتكبر
اهواي وانه بيه التؤاضع
شي مثالي عالي وماعلين
بحبهم غير هم زغار ويشوفوني عالي
يلومني اعله طبعي اتكبر
اهواي وانه بيه التؤاضع
شي مثالي عالي وماعلين
بحبهم غير هم زغار ويشوفوني عالي
زعل كلبي بغيابك ويه كل الناس
حتى اني بغيابك ما يحاجيني
ما اوصفك بشر جنك ملك عالكاع
وماظن كل بشر يشبه صفاتك
يذوب الشكر تدري من يشوف
الماي ويذوب الماي لو شايف حلاتك
يوسف والقحط مذكوره بالقرآن
قحط شوفك عليه وين مذكوراً
مثل هجره محمد صرت أتانيك
صاعد عالنخل بس ما اشوفك
كسرة عين
اخذتك لاتظن اهواك
مدري شمات بيه وكمت ما اشتاك
عمر تانيتك ومليتك بسرعة
من شفت على عينك لون غير العيون
غسلت جفوني منك ب12 دمعة
واني لخاطرك خنت الوفو وياي
ومن اوكع يعني حييل استاهل الوكعة
عاتبني ولك والعتب مسموح
مشتاك لهواك وجمرة عتابك
هذا مو جدمي الاجاك ثق بل حسين
فز كلبي واخذه وجابه يم بابك
صاير لك كتاب وبي قصص اشكال
ما فكرت مرة !!! بيوم تقراني
فالح بالجروح وبالاذية استاذ
بالطيبة وتسامح حيل كسلاني
تعبتني عشرتك ضاع بيهه الحيل
وهجرك بالنهار انجوم راواني
مو ذنبك ابد من كلبي كل الصوج
دلاني بمحبتك ليش ؟ دلاني
بعينك ما وكف عالاقل سهر الليل
ما كلك لهفتي وعمري المضيعه
ووني الجنت اونه ويعبر الصوبين
ويكلولك خطية تكول ما اسمعه
ويالاطول من غرورك طولي جان وياك
واكصر عيب طولك حتى ما اطلعه
بعتني اشحصلت بس عفيه من الغير
وكلولك وفي هو الوفي شنفعه !!