هنيالك مشيت لغير محبوب
اني بعدك مشيت لرحمة الله
هنيالك مشيت لغير محبوب
اني بعدك مشيت لرحمة الله
الله خالقني جرح بس اشفه اموت
ابراحتك ...
بس انت مختار البعد
موجود يمته ماترد
والطوبه هسه بساحتك…
واضح كلامي وصدگه
من تمشي راسك دنگه
گلبك اذا مثلي لگه
بساعتها ارفع هامتك…
وجه الوفه اصفر . بيه فقر ناس
طلبت من الله صاحب وانته وداك
اذا من الله انته شلون ما احبك
تعال ارجع تعال استر على العين
تعال الدمعه كبرت وبشهرها
اسولف يا عذر والعين عذراء
مريم مريم ومحد عذرها
امنيتي اصاحب بشر
البگلبه مثل الوجه
مو وجهه شايل نبي
وبگلبه راقد هبل
تعبت من السهروالسهر هم تعبان
كلي شوكت يخلص يا ترف ليلك
شعلت النار بيه وجيت اطفي النار
رجعت انته اشعلتها تريد اضويلك
عشكتك لا تذلني احسبها زين ارجوك
ماريد انه اظل لوحدي اضحيلك
ياحريمه اشتاگلك والدنيا ليل
وانه اشوفك بالصبح وتعوفني
حالي حال الصبحت ثكله وشهيد
عدهه.. يا خيط التجيبه يروفني
