شنسجلك شعر شكتبلك أبيات..المشاركة الأصلية كتبت بواسطة فقار الكرخي
يالعينك شهل يرهم قصيدة..
حرت وياك احبك امشي ليغاد ..؟
وحرت بين الاريده وما أريده ..
شمعاشر ولك كوم احجي وياي ..!
صدرك بي گلب لو بي حديده..
معروف بدلالك ما تطخ كاع ..
ورفع الخشم عندك مو جديده ٠٠
كافي الگلب هايم عوز احساس ..
وتره هذا الحجي كل يوم أعيده ..
مو من يجي الحجي يطلع العيد ..
گلبي من تجيني يصير عيده
من بعيد اشتاك واتنفس هواك
وادري لو صح بيدك اتكطعه الهوى
دوم تظلمني وتظن بيه الضنون
للاسف تفكيرك ابهل المستوى
انت بس جربني مره وتالي كول
وشوفني الظلمه ابطريقك لو ضوه
من رحت ليهسة متلهف عليك
أقنع روحي أكولن والله عفتة
أنت بعيد عني وكلش بعيد
اليسألوني اكلهم هسة شفتة
رسايل عندي مو منك قديمات
أراويهن وكلهم منك أنتة
... أقشمر روحي لابية يشمتون
شكلهم وانة كاس جفاك ظكتة
لو كلهم نساني وصار للغير
فشلة اليشتريك بسرعة بعتة
مجنون بغرامك واعترف بيك
الكلب اعمه لجن ماعاف دربك
انه القافل عليك وما اخليك
يجي واحد على الحاضر يحبك
اغنيها برساله لجن ماكول
احنه شبينه عمي ما نعجبك
مــا صـــدكــت شـفـتـك وانــفــرد بـيـك
يـنـتـظـروني كتلي ... بضحكه مو حركَـه
الـمـن جـاينـي واعـذار تـمـشـي ويــاك
وانـا روحـي الـعـذر مـا تـكـدر تـصـدكَــه
لا كــتـلي احبـك ... لا كـلـت مــشـتـاك
جـنـت تــريـد بـس تـخـلّــص الــمــلــكَه
مـا حـجــه لــســانــك غــيــر الله ويـــاك
هيـج بـهـل سـهـولـه وتـنـتـهـي الـرفكَـه
اجـيـنـه ثـنـيـن .. انـي وشـوكـي نـتـلكاك
شلـون رضيـت شـوكـي بجدمك تسحكَـه
اوصفك بالشعر كلماتي تعثر بيك
وبحور الشعر كلها اتنثرت يمك
ربي الخالقك ياطينه خلها اعليك
اذا حته الورد لوفتت يشتمك
جمالك كارثه والناس صاحت اااه
حركت كلوبهم مدكلي شيلمك
رسام اجه اكبالك باوع اعلى العين
وعمت عينه بنظرتك حتى ليرسمك
اعض بشفتي من تدخل الفيس
ابشرك مابقت عندي شفايف
ليعلق عليك يطعني طعنت موت
وحرك روحي سكته كون شايف
وسكت على اليطيك رمز اعجاب
اخاف احجي وتزعل... مااجازف
اخاف تعوفني ومااكدر باهاي
تدري بيه اموتن وانته عارف
ما ازعلك اخاف وحسب حساب
وكل خطوه اخطيها وياك خايف
كلبي مايعوفك حالف بهاي
ولاغيرك.... يحب وﻻ يوالف
عشكتك عشك طاهر تشهد ناس
عشك الاولي اليسكن صرايف
واني من عشكتك عشك رهبان
يخلص لليسوع بعشكه حالف
تاه احسابنه شنحسب
عليمن تشـــرح وتعتب
دنيا وضاع بيهه الـــزين
واتساوة الكشر واللب
ناس وعايشه ابوجهين
حيرة شتكره وشتحب
على درب الـــمشاعر راح احـــط صــبات ...
واكــتب ( مــغــلــقة لــ أســباب امنية ) ...
واحط حـــول الكَلب اسلاك يابو اســلاك ...
واكتب ( مــــا يــــحـــب ) و هاي هيــــة ...
منو اليسوة اضـــحي ليـــابـــشر ياناس ...
آنـي بـــ هالـــســـوالف بعـــد مـــعليـــة ...
اعيش لنفسي احسن كافي خل ارتاح ...
لأن مـــوتـــوني شـــوفو شـــصـــار بية ...
ياهو الـــي احــبة و كَلت خوش انسان ...
يـــطـــلع مـــو حـــبيبي و مـــو الـــيــــة ...
احس كَلبي وية روحي هواي مقهورين ...
آنـي الـــعـــذبتـــهم مـــو خـــطـــية ؟؟؟ ...
روحي الـسهر ذلهة ونست حتى النوم ...
و كَلـــبي وية الـــحزن مـــاخذهة يومية ...
بس هـسة انتهت ! راح اكَلب الموضوع ...
و اغــير كــــل حــياتي و مـــية بالمـــية ...
وداعــــآ ياحـــزن مـــحــروس الله ويــاك ...
خل افـــرح متـــــت مـــليت شـــنـهية
وجهك الحنطاوي حصدوا لو بعد؟
سم ! عليهم كون مو بالعافية
مايعيرولك ثمن مو جي رخيص
الديرم تظلمة الحلوگ الفاهية
جان سعرك هيبتي وگلتي اشتريك !
وبذروك الوادم المتعافية
باردة وجان الهوه ازرگ من يفوت
واكتفي بلمسة اديك الدافية
