العاشر من محرم يوگف التاريخ
بحيث الكون يصفن من يمر الطف.
العاشر من محرم يوگف التاريخ
بحيث الكون يصفن من يمر الطف.
خل تمطر بعاشور والدنيا ترعد
ماعوف حسين وبيتي اكعد
شايف رعيد بصيف ويخوف الناس
هيج الطفوف تصير لومرهه عباس
قمر هاشم قمر مو مثل هذا الفــــــــــوك من تطلع شمس ظم راسه ما يطـلع
قمر هاشم اجه بتركيبة الاصــــــــــلاب من حيدر علي ولكربلا مصنـــــع
زينب بالسبي تشهد عليها عيون ..!!
تمشي اعلى الحزن بخيال متحجب ,.
بعده حسين حي يازينب وما مات
والعباس بعده يشوف بعيونچ
زينب بت علي يالأمچ الزهراء
سيف الله ويجنته الكل يعرفونچ
حرت شكتب قصايد يوم اللطفوف
ويافكر الي يگدر يوصف الصار
اذا رايد اوصف حال الحسين
كون من المعسكر انقل اخبار
العباس ابد ماطاح فوك الكاع
هي الكاع كامت واستحت منه
اختك تنضرب من ناس مايسوون
تخيل هالقضيه وشوف هالحسره
ما احمله انه شلون بالله بهاي
شلون اكتبهه زينب تنضرب سطره
طكها الشمر بالسوط ويسب ابوها ..
شيسوي لو موجود عباس اخوها .
التعديل الأخير تم بواسطة ضـحكة خـجل ; 28/October/2014 الساعة 7:42 am