رعيتك ليش گلبك .. ما رعاني
ويهمك فت دليلي .. وما رعاني
مره احبس بدمعي .. ومره اعاني
ومره اتطيح روحي ابين اديـــه
رعيتك ليش گلبك .. ما رعاني
ويهمك فت دليلي .. وما رعاني
مره احبس بدمعي .. ومره اعاني
ومره اتطيح روحي ابين اديـــه
كلبي اشما اطشره يرد صامت
وروحي من حزنهه اعليك صامت
شما اخلي الجهاز بوضع صامت
يصرخ من تدك انت عليه
صعت وانه بجزيره ومره صيدك
ومره انت صدتني ومره اصيدك
دولار واحد دصرف من رصيدك
دولارين ادزلك بس حن عليه
عتاب المايفيده عتاب كفهالمشاركة الأصلية كتبت بواسطة Narjess AL_Mossawy
الحجي ميزان كفه اعدال كفه
كلام ويالحكيم انكال كفه
فهمها وكام يكطع راس حيه
العمر لو صار بي ذله تباً له
عليمن ثوبي بدموعي تبله
ضلمني ورد عليه هوه تبله
علكها وطلع منها وذبه بيه
هههههههههههههههه حلوة
يامن فاركت شملي وشملاك
اسمعني والحجي يخصك وشملاك
اذا غيري وصل خدك وشم لاك
حرام يبوس خد الجان اليه
فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وافصلك
واجيبك فيت يالترهم عليه
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المس
تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه
اشد حبل الوصل والكاه محتال
بسبب لن التريده الروح محتال
أحتل كلبي ورضيته يكون محتال
وجبتله الكرسي وريسته علية
حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه