الفك بالسوالف جنت اغطيك
وافرشلك دفو وبكيفك الراي
حتى الليل جان ايطفي النجوم
لو مر بيه يوم وشافك وياي
الفك بالسوالف جنت اغطيك
وافرشلك دفو وبكيفك الراي
حتى الليل جان ايطفي النجوم
لو مر بيه يوم وشافك وياي
بيه حسره بگد مواعيد الغرام
من اهدها بوجه واحد يشتعل....
وعندي دمعه بعيني اذا ادنگ تطيح
وعندي قصة شوگ ابد ما تنحمل.....
كان ما يا كان في هذا الزمان
انسان احبه انطيته عمري وما قبل
ياكرسي الحكم تسمعني لو لا؟
مانرتاح منك مر الايام؟
دوم انته سبب بالمشكله اتصير
وعليك احنه انتعارك كل الاعوام
خليت الشمس من يخلص الليل
توصلنا الظهر من علو العظام
يدهري بهاي ولة بذيج وصاك
وهاك اخذ مني الشيك والصك
اني الجنت ادور الزين والصاك
هسة العاوي ظل يتدلل علية
وحك الله ونبي الرحمه وعلينه
بحبك للسمه اوصلنه وعلينه
يديمك ياعراق النه وعلينه
تضل خيمه بحق حامي الحميه
انا الما اكرر بحجيي ولا عيد
ولا احسب بزلاتك ولا عد
شمالك ما تمر بية ولا عيد
الخلل مدري بجنابك مدري بيه
الك ياما دليلي ارتجل وانشد
وحبلي وياك حيل انعكد وانشد
اهيم ابذكر طرواك وانشد
واحس اعضاي كلهن مو اليه.
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه
عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه
شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه
