هنا

[نـرٍجٍـس آلُِـمـوُسـوُي]

يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه

[نـرٍجٍـس آلُِـمـوُسـوُي]

روحي اشتاكت لشخصك وحنيت
ولويت ظلوعي بفراكك وحنيت
وحقك جاجبت حنه وحنيت
عتبة داري لو مريت بيه

[نـرٍجٍـس آلُِـمـوُسـوُي]

البشر لو مات كلبه ماتشوفه
وضمير الناس جنه مات اشوفه
عسن عين اللي حكلهه ما تشوفه
عمه اسود صابهه لحد المنيه

[نـرٍجٍـس آلُِـمـوُسـوُي]

كلبي انت ملكتة.. وانت حر بي
عليل وطبي عندك.. وانت حر بي
كأس السم اشربة.. وانتحر بي
اذا غيرك يمس اطراف اديه..

[نـرٍجٍـس آلُِـمـوُسـوُي]

ردت طيفك بيوم يلوح.. مالح
وطعم فركاك صار هواي.. مالح
بعد ما ادز رسالة وبعد.. مالح
لان كلما ادز مترد عليه..

[نـرٍجٍـس آلُِـمـوُسـوُي]

قلم كلبي تداين ..ورقة منة
لان ماكو بجمالك ..ورقة منة
اسجلك انت الاول ..ورقة منة
واكتب لافتة محجوز اليه..

[نـرٍجٍـس آلُِـمـوُسـوُي]

سلني الشوك صاير.. شعرة منك
وانت الشعر ياخذ.. شعرة منك
احلف عال يمسن.. شعرة منك
اكتلو ولوصار ملك المنيه..

[نـرٍجٍـس آلُِـمـوُسـوُي]

وفي الختام اتمنى ان اكون ثقيله الظل عليك

[فقار الكرخي]

ابيك آنة وابد ماكول.. مابيك
يل كلك محنة وشين.. مابيك
غبت عني واكول شبيك.. مابيك
من اغيبن هم يظل بالك عليه..

حبيبي من الغرگ روحي جلاها
وسنيني مزنجره بشوگه جلاها
عروس الدنيه بشموعه جلاها
وتجي وياه مزفوفه عليه

غيابك خلخل اعضامي.. وهدهن
وجر حسرات ببعادك.. وهدهن
آلي دمعات لو ابجي.. وهدهن
تفيض اليابسة ونغرك سويه..

أدز عيوني متكفي توافك
وموعد نار لتگلي توافك
حزن اچان گاضبني توا فك
شفتك والفرح كووم عليه

شجاك شغيرك عني..ولاهاك
وحك رب البشر كلها.. ولاهاك
بعد شبيك ما اكلك.. ولاهاك
ولا اريدك تجي وتسأل عليه..

بزمانك لا ترجي الخير من حاد
مدامن سيفه بيهم صار منحاد
العنده وياك شغله يجيك منحاد
وره الگضيان صد وجهه تحيه

بعد وياك ماامشي.. ولا خط
وبعد ما اكتب بأيدي.. ولا خط
مبايل آني ماعندي.. ولا خط
حبيبي شلون حتخابر عليه..

اذوب بهيج خد يلوك بي شام
يطيب البي مرض لو جان بي شام
بي ترك وعراق وبعد بي شام
بجمال تلث دول معجونه هيه

يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه

اليه دموع شبه اجفوف ينخان
وصوتي من بحيح ابجاي ينخن
انا المثلي حسافه وظلم ينخان
تحطني فوك راسك مزهريه

روحي اشتاكت لشخصك وحنيت
ولويت ظلوعي بفراكك وحنيت
وحقك جاجبت حنه وحنيت
عتبة داري لو مريت بيه

المسه ضيم وقهر يمسي بلامساك
وتذوب الروح يالغالي بلمساك
صاح امساك ما ندري بالامساك
وشمس طلعت علينه بلا اميه

البشر لو مات كلبه ماتشوفه
وضمير الناس جنه مات اشوفه
عسن عين اللي حكلهه ما تشوفه
عمه اسود صابهه لحد المنيه

تسو زين وعلي بعده تحط من
وتشوف امالي بفعالك تحطمن
بكلب لو طلعت انه تحط منه ؟
يضل مهجور كالدار الخليه

كلبي انت ملكتة.. وانت حر بي
عليل وطبي عندك.. وانت حر بي
كأس السم اشربة.. وانتحر بي
اذا غيرك يمس اطراف اديه..

روحي الماتصر هسه صرت لك
ومثلما رايد بكيفك صرتلك
حبيبي وكلبي امس تحجي صرت لك
ومن تشتم بعد وتسب عليه

ردت طيفك بيوم يلوح.. مالح
وطعم فركاك صار هواي.. مالح
بعد ما ادز رسالة وبعد.. مالح
لان كلما ادز مترد عليه..

وضعك من صرت لليوم رباك
وزمانك ع المآسي دوم رباك
قيامة عراق مالك غير رباك
شوكت لحساب ؛ طالت هلبليه

قلم كلبي تداين ..ورقة منة
لان ماكو بجمالك ..ورقة منة
اسجلك انت الاول ..ورقة منة
واكتب لافتة محجوز اليه..

قلبي ما فرح عكبك ولا سار
و جدمي ما خطى لغيرك ولا سار
اخبرك ما بقت كلمة ولا سار
فضحني الشوك والحب مو بدية


وهجوم عنيف من العلوية
وربي ذواقة وترفة

[فقار الكرخي]

شرد اكلج
كمت انكط ليل من كثر السهر
الخميس يفوت يشبعني قهر
كمت اكرهه الشيخ يمنه
احس كل اسبوع يكطعلج مهر
ابراسي انتي
اشلون اطلعج
هيه لعبه
تطلع الايام من راس الشهر