هنا

[ميوشة]

عاشرنه النحبهم احلى الايام
ونشتاك بعطش للعاشرونه
مو احنه الكطعنة بوصل الاحباب
الزمن هو الغدر وفاركونه
ماغير طبعنه طول الفراك...
ولااحنه نسينه ولانسونه
وعلى الغالين تعمه هاي العيون
اذا طال الغياب ومااجونه

[جنـات]

عله تراب الوطن نايم يتاج الراس
ويم راسك تهلهل هل البنادق
يربات السواتر الك فدوه تروح
العافت وطنهه ونامت بالفنادف

[فقار الكرخي]

سفينة الشمس ما ترسي بشواطي الكـــون
بس خدود وجهك للشمس مرســـــــــه
ومن كثر ما حلو لمن تمر بالنــــــــاس
تكَوم تغني حتى الاوادم الخرســـــه

[فقار الكرخي]

ﺇﻟﺞ ﺑﻴﻪ ﻛﻼﻡ ﻫﻮﺍﻱ
ﺃﺣﺠـﻲ ﺑﺤﺮﮔﺔﻣﻮ ﺣﺎﻗــﺪ
ﺇﻟـﻲ ﺃﺑﻄﻨـﺞ ﺣـﺮﺍﻡ ﺃﻳـﻌﻴـــﺶ
ﺇﺫﺍ ﻳـــﻠﮕـﺎﻧـــﻲ ﻣـﻮ ﻭﺍﻟـــــــــــﺪ

[فقار الكرخي]

منو مثلي ....الثلج أمّنه ابچف الصيف...؟؟؟
وگله ايدير باله اتلوحه الحروره....!!!
ومنو مثلي اعله نيته شلون طير الهور...
إجّه ابلهفة وحنين ...وما حضّه ابهوره..؟؟؟
ومنو مثلي سكت...شاف الزرع مبيوگ....
ودره البوگات كلهه ابّيت ناطوره....
ولو روحي ابنفسهه ....أتريد كلشي اتگول...
أعضّ شفتي واگول ( الگاع محضوره)....
على بختج يروحي مالي حيل الروج......
وشراعي تعب والدفّه مكسوره...
ولا ساحل بقه ...وأدري الصخر ميطوف...
حتى اتعب وادوّر ....صخرة مشموره....
وعتبنه اعله الصبر....يا روحي مو عالعين...
إذا ما ايصير سدّ....الدمعه معذوره...!!!

[ميوشة]

موهيج العشك ياجيل هذا اليوم
والله العشك اجمل وارفع هوايه
موعشك الموبايل وعشك الانترنيت
بسيخلص رصيد ينتهي نهايه
العشك عشره ومواقف مو كلاوات
بس جيب الحليم اليفهم بهايه

[فقار الكرخي]

لا تشتل وردتك معتمد ع الغيم ..
ماتدري بوردتك ياوكت تكطع.
ولتعاشر خيال وتحط روحك بيه .
بس اصير ظلمه يعوفك ويشلع ..
ولاتذرف دمع لوراح اي كان ..
تخسر دمعتك والراح مايرجع..
ولتعاتب ابد ع الماعرف يشريك ..
شما تعتب ع الحيطان ماتسمع

[فقار الكرخي]

مو وكت اعتذار تكلي ندمان
وجاي بكل صلافه تكلي ارضيك
ارجع للجنت تحسبله نظرات
تندل بطريقك لو ادليك

[جنـات]

ولك ها يا گـَلب چنك اله اشتاگيت
مليت اني منه وانت مامليت ؟؟
ميحبك يگلبي شبيگ افهم عاد
نساك الي تحبه وانت ابد مــنسيت
ميفكر بعد ميهمه حالك هاذ
ولاتنزل ابد دمعاته مهما ابچيت
لا تهتم ياگلبي وانسه حبه ارجوك
قابل گلبه انته ومني تبريت؟!

?????

[ميوشة]

سكاره احنه بهواكم ماصحينه
مطرنه ادموع الكم ماصحينه
اشكثر يوجع جرحكم ماصحينه
نحبكم واليحب يحمل اذيه