هنا

[ضياء الصافي]

أي أجيت ,,الله جابك
شوف حالي انه بغيابك
خشبه يبست من عذابك

[ذات الرداء البنفسجي]

كبر همنه يصاحب شفتهمنه ؟
نعيش وماكو واحد يفتهمنه
دكولي احنه بعمرنه شفتهمنه
مغثه وقهر كل صبح ومسيه

[ROG ALBHAR]

خفت ماردت ازعلك من نويت تروح
يمك مابجيت الدمع كضيتة
رسم حطيتلك بسمه بثواني وداع
لا مو بسمة هاي الجرح حطيتة
انه مابين بسمه ودمعه ضكت الموت
من كتلك تروح الطعم حسيتة
ولان ساعتهه احس الدمع شي ممنوع
اظن من ما وراك الدمع حبييته
جنت مامنتبهلي البسمه جانت زور
انه يوسط روحي الصخر بجيته
لان مارتك تحس بالدمع مجبور
عن صوت الجروح الدمع غضيتة
حولت الدمع يمك لنظرة شوك
وحولت المناشغ ضحك سويتة
من ساعتهه ذيج وماحجيت الصار
بس يمكن بدمعي الخبر طشيتة

[ROG ALBHAR]

هسه انساك ماانساك بعدين

كل مرة انه اعذرك صارن هواي

اانه رديت منك شابع جروح

مثل مايشبع الغركان بالماي

[ضياء الصافي]

هسه انساك ماانساك بعدين

كل مرة انه اعذرك صارن هواي

اانه رديت منك شابع جروح

مثل مايشبع الغركان بالماي

صدك مجروح مني وحيل مامرتاح
بس صدكني احبك وانته ماتدري
احبك مثل نخلة تريد تمطر ريع
ترميه بحجر بس كون الك تطي

تواً يقلمي

[ROG ALBHAR]

صدك مجروح مني وحيل مامرتاح
بس صدكني احبك وانته ماتدري
احبك مثل نخلة تريد تمطر ريع
ترميه بحجر بس كون الك تطي
تواً يقلمي

طبع بيه اسامح ياهو ليعيل
واشيل الدنيا كلهه وزعل ماأشيل
فرح صوغته واعراس ومحابس
شتكول انتراضه ونرجع احباب
اذا بقصةخصامك انت قانع
اجيك اني اعتذر ماعندي مانع
هاي اشبيك قابل ننقص احساس
عمت عين اليحب ومايطخ الراس

[فقار الكرخي]

مختنگ
و الرِيَه ضاگت گمت أحِس
حته النفس لمن يطب صاير حَشِك
يتدافع بريتي الهوه
وما بِيَه حيل اخذ نفس
چَن مَيِت بعمري الفرح ..
جثة وتنام بلاية حس

[تّـفـاَصيلـٓ]

خلگي شايب عود جان امتاني طيف
وانته خوش اخلاق عندك
ع الجرح تمشي على كيف

[فقار الكرخي]

البخور بلا عداله
للهوه يهد عطره كله
وينطي للحايط طعنته
وحصة الگاع الرماد
كافي عاد!!!!
صفي رايك يابخور...
مره اشوفك مره ناي ابحلگ حايط
يعزف بروحك عطر
ومره اشوفنك جگاره وگاعد يدخنك گبر

[فقار الكرخي]

ازف للشيب يا روحي .. شبابيج.
قيامه فراكهم ناره.... شبابيج.
ابشرك صارت جروحي.. شبابيج.
وهوه الله گبال گام يفوت بيه