ويت تعوفني ونيتك بروحي شلون
تاخذهه تردهه شلون تاليهه
عهدك جان ميفرقنه بس الموت
شنهو الغيرَك هالكلمة تنفيهه
اليعاهد عهد يحسبله مية احساب
سالفة العهد كلش دخت بيهه
ورده زغيره روحي يفوح بيهه الطيب
ليش تريد روحي جروح ترويهه
خذت فكري ومحبتك تارسه الشريان
اغارن من محبتك وازعل اعليهه
اشتهيتك عمر ثاني بنص عمر وامشيت
وسنين الأملهن بيك شعليهه
ابتسامة شفتي ترسم حبك اعله الياس
وانفاسي ربيع اتمرهه تحييهه
يتحسر الطير ايعيش مثلي احساس
حلم ابيض جنت بعيوني تلفيهه
وكلتلك بالحلم شفتك تريد تروح
اخذ روحك كلتلك روحي خليهه
