ليك النسايم
مرسال سلامى
تهمس ليك حديثى
وشوقى وكلامى
تحمل ليك ودادى
وتكشف سر سهادى
تحكى ليك وتشكى ليك
إحتياجى وشوقى ليك
وافتقادى
حرمانى من حنك
حرمانى من نظرة فى عينيك
فيك شهدت الرقة
تنساب تتدفق بحر
والوداعة الفيك
تفوح بشذى الزهر
عالية اخلاقك رفيعة
سامية روحك
وكل افكارك بديعة
احترت فيك
جلا من سواك
بالحسن زانك وصورك
كل ما اقدر اقول
ياستى بس ما اروعك
ربى يحميك يحفظك
لما اشتاق ليك
بتخيلك واتصورك
وردة ما بين الزهور
فواحة بى احلى العبير
واتوسدك باقات شعور
واطوف معاك كل العصور
وتمرى بى عزة وكثير
فيك يقول اجمل شعر
وعزة من اعجابو بيك
تحسد تغيير
وفيك جميل ينشد يقول
وبثينة ليك بالود تميل
وبيك يطوف عند الاصيل
عنتروقيس بحضور جرير
يتباروا فيك ويقولوا فيك
أروع غزل
ويتوجوك اميرة فوق كل البشر
تتجلى فيك احلى الصور
نبل الخصال روعة جمال
كل البهاء كل النضار كل السحر
بقلمى / ود جبريل
رد مع اقتباس
المشاركة الأصلية كتبت بواسطة حيدر الطائي
