انا والرعب
₯ـೋ السلام عليكم ܓೋ
طبعا لأول مره اشوف هذا القسم صارلي يومين اشوف المواضيع الي بي لان (حقيقه)
أريد اتكلم بموضوع يخصني وكلش مهم ومااعرف اذا تصدكون او لا شي اني نفسي مامصدكته انتم اشلون تصدكون مااعرف -_-
المهم أبدا موضوعي قبل 2 سنه كان عمري 14 سنه كنا في رحله سفره بعد شوط كبير من الدراسه لتغيير جو طبعا كنا جالسين انا واختي وصديقتي
والبلد كان ايران فتركنا عائلتنه شويه وقررنا نمشي شويه بالقرب منهم كان اكو شي يشبه (القاروره) وبي فد شي اسود اجتي وحده كبيره بالعمر تقريبا انطيها60 سنه
ايرانيه بس هي اهوازيه ولغته العربيه جدا جيده وهمات تحجي عراقي اصلا وانا كنت اقتربت من هذه القاروره الي فيها هالشي الاسود صرخت بوجهي وقال لا تلمسيها اصلا فاله موزين (أدمر حياتج)
هاي اذا احد كسرها مردودها مو زين علي طبعا اني شويه من صرخت اخذت بخاطري وجنت لازم اسوي ردت فعل على هذا الشي فكسرتها ورجعت اني واختي وصديقتي المهم الموضوع صارله سنتين وانتهى وراح وتقريبا قبل اسبوع حلمت بهاي السالفه كلها .. واني دائما اسهر لل6 الصبح وبعدين انام وهيج نومتي مخربطه من رمضان (عمود اتخلص من العطش) واستمرت لهسه
ف صارلي ابوع تقريبا من تصير الساعه ب4 بالليل وتنطفئ الكهرباء اشوف فد اشياء بالليل مثل احد موجود ويباوعلي بس انا كنت اقول تخيلات لان مجرد ماتجي الكهرباء او احول على المولد يعني من يجي الضوء يختفي كل شي ورى 2 يوم بالظبط كنت بالطابق الفوك ع المرايه امشط شعري واهلي بالطابق الجوى خلصت ودرت وجهي ردت انزل لجوى شفت فد شي ماكنت مستوعبه الي اشوفه هيئه غريبه المهم اني من الفزعه حتى ماصرخت ظليت مختلسه وبعد يوم بالظبط وراها صار عندي كابوس وحلمت اكو ناس تتهجم عليه ففزيت ورحت اشرب مي وخلصت شفت احد شكله كبير بالعمر شعره منفوش ابيض بسنونه في دم المهم هالمره ماكدرت اتملك نفسي صرخت من كد الفزعه لان هالمره شفته بالضوه وثالث مره معناها هاي حقيقه ماادري كلت لأختي كاتلي حبيبتي هاي تخيلات يجوز نفسيج تعبانه من الامتحانات بس الصراحه محد صدكني واني مابيه شي لا نفسيتي تعبانه ولاشي واصلا صايره ماانام اخاف يصير فد شي ومن اكد بمكان بالبيت اظل اتلفت يمين ويسار اخاف احد ورايه صليت وقريت قرءان بس ماكو فايده دااشوف (جني..شبح ..) مااعرف يتمسى شنو ؟ بس مستحيل يكون خيال الي اشوفه -_-
شكرا تعبتكم ويايه بالقراءه بس ماكو غيركم احجي اله والمواضيع بالقسم هذه بعد قرءاته اكو حالات مشابه الي تقريباً
تحياتي
رد مع اقتباس
