هنا

[سوريانا]

كل شهيد وانتو بخير






هلوسات ابو حسين

عيدتو ? اي تنعاد عليكم وكل عام وانتو بخير
بس عرفتو شو بدو ينعاد عليكون ?
عرفتو ليش انتو ليش انتو بخير ?
عرفتو ليش في عيد ?
لانو اليوم في عشرات الامهات طلعوا يقروا الفاتحة لولادهم الشهداء
لانو في مئات عائلات الشهداء اليوم مش معيدين
لانو في مئات الامهات بهاليوم رح تغص وتدمع كل ما حدا قلها بالغلط كل عام وانتي بخير
لانو في كتير اطفال اليوم ما في مين ياخدها عا مدينة الملاهي ، او يشتريلها تياب عيد
لانو في كتير اطفال ما رح تاخد عيديتها من بيها اليوم
لانو في كتير اطفال كانت بتتمنى ابوها يفيقها من يومها ويعايدها متل ما بيعمل الاب عادة
لانو في ارملة اليوم جهزت تياب زوجها وسلاحو وهي عارفة انو يمكن ما يرجع ، ورغم هيك ما وقفت بطريقو
لانو في اب كان ناطر ابنو يعينو بس يوصل لسن العجز ، رباه كل شبر بندر ، علمو ، تعب عليه ، وبس صار وقت الابن يساعد الاب ، فقدو ما لقاه
عرفتو ليش انتوا بخير ?
عرفتو ليش رح ينعاد عليكون?
عرفتوا ليش معيدين ?
لانو في حدا راح بدالكم ، قاتل و استشهد
هيدول هني العيد ، هيدول هني الفرحة الحقيقه
هيدول لازم ما نهدي ولادنا تياب عيد
وقبل ما نعايد امهاتنا وابائنا بهالعيد
نتوجه الهم ، ونهديهم الفاتحة