علي (الحلم ) المحمداوي
الحلم كبرن جناحه الجنت اشوفك بي
الخذاك ماكفه طولك خذه الحلم وياك
الخذاك من الكلب جر اثنعش شريان
اثنعش معصوم جر من كلبي من جراك
صبخه وجوه ناس وانته ظلك ماي
الذنب ذنب الغشيم من ارتوه وبداك
اشتم ريحتك واحظن. الحظنوك بيك
واشهك شوفتك كل مايمر طرواك
يعرفوني عليك العرفتهم بيك
وتريد دموعي اكضهن وانسه واتلافاك
الحلم بشفايفك هسه. علطولك نام
حرامات الخذك بالكلب ماخلاك
اريدك راضي بعيوبك وخل يحجون
هوه العنده مثلك عيبه من ينساك
تمشي ابالي بس نكله جدامك وين
ماحس بيك جاغيراعرف شمشاك
بيش تريد احلفك وانه احلف بيك
شوفتك الغيري وشوفتني كفاك
جنت من بيتكم تطلع بكلبي تفوت
جدمك ماعثر يم غيري من وداك
جوازي انساك بس ياهو اﻷسافر بي
المحطه الماتشبهك بيهه اثر فركاك
بجيني الهوه من يبجي. يشهك ناس
يلمبجي انتظاري ارد اضحك بملكاك
الدمع يم المكابر سالفه مشتاك
وانه لجلك بجيت وهوه اجه وبجاك
تشرب صحتي وانه بصحتك ارفع كاس
واعزم صحتي من تشرب واكلك هاك
خسرتك منتصر والحرب واقع حال
الخذاك احلف عليه ماعرف طعم شفاك
الغصن كلمه وحجي الشجره يتفرع فوس
حجيك وينه ماطلعته من باساك
دواي ومشتهيك المرض مابي عيب
اشتهيت اتوسلك يلوجهي جان دواك
بثكل الميل خطواتك وياه تفوت
عاد استحي اكبالي ستعجل بممشاك
اعكال المايطيح فصل هوه يطيح
وانته عكالي من اطيح اطيح وياك
الخذاك بعمره ماعابر دورة ميل
وانه الليل اخلصه اقرالك واقراك
صوج العين من تكبر الأيد تشوف
وانه ثنينهن ضاعن الهذه وذاك
انه الغلطان والله اتئذه من اشتاك
فدوه ارجعلي ما باقيلي وكت انساك
يل اموديلي صوتك جان اجيت وياه
اسف يمكن الخليته ماخلاك
للشاعر المبدع علي المحمداوي
رد مع اقتباس
