دارميّات عراقية للعيد - دارميّات رومانسية للعيد - دارميّات حب عراقية للعيد
اتمنه اكضي العيد بين الحضرتين
وبعيوني اشوف اهناك عشاك الحسين
ماظل فرح بالعيد بس انتعارك
يافرحه هاي اتريد بيهه انتشارك
حكي لنوح اعليك والله يعيدي
هالليله طك تفجير واجروحه بيدي
اتمنه اهلال العيد بين الحضرتين
واهلاله فوك الغيم يكتبلك حسين
الگلب گبل الناس
إتعنه دارك
ملهوف اجاك ايگول
عيدك امبارك
==============
گالولي اجاك العيد
چا ليمته اتهيد
عيد اليمر بجفاك
ماينحسب عيد
==============
تدري آنه گبل العيد
عاشورك اوياي
حاسمها لو مو عيد
ماتضحك اشفاي
==============
صايم على فرگاك
غيرك فلا اريدأفطر أنه بملگاك
وك شوفتك عيد
==============
كون الفرح ينباع
واشريلك العيد
يالشوفتك عيدين
عيد احله من عيد
==============
بالعيد اشوفك وين
يالشوفتك عيد
مشتاگه روحي اليوم
وتشوفك اتريد
==============
هاك العمر واختار
من عنده شتريد
بس كون اگضي اوياك
صبحية العيد
==============
العيد اجانه العيد
اشلون اهنيك
أهديلك آنه العين
لوبيها اخليك؟
==============
إنتي الذهب والماس
والجوهر انتي
والدنيه تصبح
عيدكل ماضحكتي
==============
بالسنه ثنين اعياد
أسمع يگولون
وكل ضحكة منك عيدي
ياحلو العيون
==============
گالولي باچر عيد
إلمن تعايد
مادروا إنته العيد
وبگلبي گاعد
==============
فرحة وسعادة انطيك
بس گلي شتريد
ومني اخذ بوسات
من هسه للعيد
==============
عيدية الك بوسات
ما منها موجود
تطبع على الدلال
لامو عالخدود
==============
خلني بعذاب الشوگـ
مارايد العيد
چي لنك انته اليوم
عن عيني ابعيد
==============
الصايم يتاني العيد
لهلاله ينطر
بس آنه اصوم اعليك
وبجيتك افطر
رد مع اقتباس
المشاركة الأصلية كتبت بواسطة ♥♥Kim Roza♥♥
