مساجلتي مع العملاق حسين الساعدي
احب الفيس من اتفوت
----------------------
مريم حسين
أصيح بصوت احبك موت
واحب الفيس من اتفوت !
-------------------
الشاعر حسين الساعدي
أنه اتمناك
أحب ملكاك
وأحب كل الاجو وياك
وأجيلك ركض من الكوت
واحب الفيس من اتفوت
-----------------------
مريم حسين
أذا مريت
اطش جكليت
وأنور بيك كل البيت
وأضمك بلكلب بسكوت
احب الفيس من اتفوت
-----------------
الشاعر حسين الساعدي
وأرسمنك
وأضمنك
يخايب وين اكو منك
لا بامريكا لا بيروت
احب الفيس من اتفوت
------------------
مريم حسين
واحب رسمك
واحب اسمك
واغار اعليك من امك
وكمرنه وما يبلعه الحوت
احب الفيس من اتفوت
-------------------
الشاعر حسين الساعدي
يلمجرب
لتتكرب
جمال العندك ايكهرب
وخايف طبت التابوت
وأحب الفيس من اتفوت
-----------------
مريم حسين
ضغط عالي
وشفت حالي
بس ما اكهرب الغالي
تعال ولا تخاف الموت
احب الفيس من اتفوت
---------------
الشاعر حسين الساعدي
صحت وينك
سحر عينك
ذبني ابنص درابينك
وانه اللي جنت مبخوت
أحب الفيس من اتفوت
--------------------
مريم حسين
عفت كلشي
واجيت امشي
وضميتك وسط رمشي
يخايب لا تصيح ابصوت
احب الفيس من اتفوت
رد مع اقتباس
