مساجله للعملاق حسين الساعدي
صايم!!
-----------------------
الشاعر حسين الساعدي
صايم!!
صايم والعطش سواها عطاب
وشفافك عصير وأنه عطشان
وماعندك عذر وبيوم الحساب
إذا ما فطرتني ابهذا رمضان
---------------------
مريم حسين
عينك سوربت يا صايم اشبيك!
وبوكت الفطور اشرب عصيرك
صايم والنظر كلش يأذيك
أخافن تفطر وتعرف مصيرك!
-----------------------
الشاعر حسين الساعدي
ياصايم يقاوم شربت الروح
وأنه اعيوني تتشهه العصاير
والريحه الجميله المنك اتفوح
نستني وصرت أشرب جكاير!
---------------------
مريم حسين
غَمض علعصاير ويه الهموم
عينك تشتهي ورادتهه صعبه
ياصايم شجاك وعينك اتحوم!
وبوكت الضهر ماظن تشربه!
------------------------------
الشاعر حسين الساعدي
غمضت العيون أتصور ابهاي
ماشوف الشفايف من تمرون
شافاهن دليلي وخان وياي
وصفهن وصف فتحلي العيون!
-----------------------
مريم حسين
بعدك صايم وتشهه شتريد!
وصاير مشتهاك ابهذا دربك
وغمضت العيون ابجيت العيد
لكن ما عميت اعيون! كلبك!!
رد مع اقتباس
المشاركة الأصلية كتبت بواسطة sawsanmahmoud
