هذا الله يسلمكم ربيان رحنا قبل أمس لبنده وأشوف الروبيان متسدح فوق الثلج ووالله دخل قلبي ومعدتي ووجداني
قلت يابنت الحلال اشريلك كيلو لايفوتك وتحسفين بالبيت واملا لي كيس وارجع للبيت وماسويته لأني متأخره تعرفون الحريم لدخلن السوق لازم راعي المحل يطردهن او يصك السوق!!!!
وأنتظر متى يجي بكره عشان خاطر الروبيان متحمسه
وافتح اليوتيوب ادور طريقه سنعه وبالنهايه اخذت أفكار وسويته على كيفي ب3 طرق مشوي ومقلي ومحموس مع بصل
اولا المشوي
المقادير
روبيان -ملح -خل -ليمون -كمون- ماجي - بهارات
الطريقه
أخذت كم روبيانه (الكميه اللي تكفيكم)وشلت العرق اللي بالظهر بخفه وماشلت قشره وغسلته ووضعته بزبديه وصبيت عليه خل ووضعت عليه ملح وكمون وعصرت عليه ليمونه وماجي ابيض وبهار وشوي ماء وتركته 5 دقايق وقلبته ابغا يدخل الطعم فيه
بعدين (أنا ماعندي شوايه) فاخترعت من عندي جبت اللي اسوي فيها التوست وصفيت الروبيان فيها وتركتها حتى حسيت انها استوت تقريبا ربع ساعه
وهذه الصوره
وهذه صوره قريبه
سبحان الله يتغير لونه الى الاحمر وهذه صوره بعد مااستوى
سوري ع ردائة الصور تصوير جوال اجرب خارب
عساه يعجبكم يارب هذه الطريقه هي اللي اعجبت أمي وأبوي (امي يوم تشوفه بالشوايه (يعني جهاز التوست خخ)قالت مانبي هذا لاتجيبن لنا منه بس نبي المقلي والمحموس بس انا ماحبيت اكسر خاطر المشوي وجبتلهم منه يوم ذاقته هي وابوي قالت لا والله جيب زود ههههه مانبي المقلي !!!!!!
وهذا المقلي
والمحموس مامداني اصوره خلص
وعواففي
رد مع اقتباس
المشاركة الأصلية كتبت بواسطة Midnight Dream
